Prepar Bann Repons ki Pou Ankouraz Lezot

Dan bann renion, sakenn parmi nou ena privilez pou ankouraz lezot par nou bann repons. (Ebre 10:24, 25) Kouma to kapav prepar bann repons ki pou vremem ankouraz lezot?

• Priye Zeova. Demann Li pou ed twa pou prepar bann repons ki pou donn Li loner ek ki pou ankouraz lezot.—Ps. 35:18.

• Kan to reponn, pa lir zis seki ena dan piblikasion-la. Kan to reponn dan to prop mo, to koz lor to lafwa ek sa fer lezot gagn bann bienfe.

• Donn bann repons ki pa tro long. Kan to repons li kourt ek sinp, souvan sa plis ankouraz lezot ek sa permet osi ki pli boukou dimounn reponn dan renion.—Prov. 10:19.

• To bann repons bizin pozitif. Fode pa to servi to bann repons pou konsey ouswa pou kritik enn frer ouswa enn ser dan lasanble.

Mem si to’nn lev to lame ek ki to pa’nn reisi donn enn repons, to ankor kapav ankouraz lezot. Kan lezot donn bann repons, ekout zot bien ek apre felisit zot pou sa.—Prov. 10:21.