Pran Kont Bann Dimunn Surd dan U Teritwar
1 Zeova pe lans sa linvitasyon la ar tu dimunn: “‘Vini!’ . . . Pran delo lavi gratis, seki swete pran.” (Revelasyon 22:17) Parmi bann dimunn ki pe aksepte sa linvitasyon la, ena enn gran kantite dimunn surd. Akoz sa, pandan sa 13 banane ki finn pase la, 27 kongregasyon kot servi langaz-siyn finn forme ek apepre 43 grup finn forme dan Lamerik. Dan lil Lareynion usi, finn pran bann dispozisyon pu pran kont bann proklamater surd. Finn organiz plizir grup dan bann kongregasyon.
2 Sa bann kongregasyon ek grup la pe konsantre zot bann zefor pu tus bann dimunn surd ek bann ki pa tann byin dan zot teritwar. Me mem sa, ena ankor buku dimunn dan sa sityasyon la ki pankor gayn temwaynaz.
3 Kuma Eski U Kapav Ede? Dan bann landrwa piblik, eski u remark bann dimunn ki servi langaz-siyn? Eski u konn kikenn dan u travay uswa dan lekol ki ena enn manb so fami ki surd? Pran kont bann dimunn surd ki u truve kan u pe akonpli u bann aktivite tulezur. Kuma eski u kapav asir u ki zot gayn temwaynaz?
4 Donn Temwaynaz: Me ki arive si pena personn pu donn enn led spirityel bann surd dan u landrwa? Kuma eski u kapav ede? Kifer eski u pa refer enn vizit ek u pa koz ar enn lot manb sa fami la? Lerla, u kapav propoz pu montre enn kaset video ki montre langaz-siyn ki kapav interes dimunn surd la. Sertin proklamater finn mem aprann langaz-siyn pu zot gayn pli bon rezilta. (Akt 16:9, 10) Ena brosir Ki Bondye pe Demann Nu? ek liv Connaissance dan langaz-siyn lor kaset video. Bann ki finn servi sa bann zuti la finn gayn buku bon rezilta.
5 Si u pran kont bann dimunn surd ki res dan u lokalite, u pu donn zot posibilite pu pran delo lavi gratis.—Matye 10:11.