Kontiyn “Fer Seki Bon”
1 U finn fer enn bon kitsoz kan u finn vinn enn serviter Bondye Zeova. Me asterla, dan sa bann letan difisil kot nu pe viv la, kontiyn “fer seki bon” sa li vremem enn defi. (Galat 6:9) Mem si u bizin fer buku zefor, u kapav fer li. Kuma?
2 Devlop Mem Latitid Ki Zezi: Parey kuma Zezi, u kapav siport bann difikilte si u kontiyn fixe u lespri lor lesperans Rwayom. (Ebre 12:2, 3) U kapav sir ki Zeova kontan u ek Li anvi u reysi. (2 Pyer 3:9) U bizin ena ful konfyans ki Li pu ed u. (1 Korintyin 10:13) Persevere dan lapriyer, ek demann Zeova led pu u kapav andire. (Romin 12:12) Gard u lazwa, pwiski u sir ki u landirans pu fer u gayn faver devan lizye Bondye. (Romin 5:3-5) Si u kontiyn devlop “mem latitid ki Kris Zezi ti ena,” sa pu fer u gayn enn satisfaksyon personel ek u pu fer leker Zeova kontan.—Romin 15:5; Proverb 27:11.
3 Kontiyn Fer Bann Bon Kitsoz: Profit byin tu bann dispozisyon ki Zeova finn pran pu ed so pep kontiyn fer seki bon. Gard enn bon labitid pu lir Parol Bondye tulezur ek pu etidye bann piblikasyon ki esklav saz ek fidel donn nu. Kontiyn prepar tu bann reynion, asiste zot ek partisipe. Pas letan avek u bann frer ek ser spirityel avan ek apre bann reynion. Fixe bann lobzektif rezonab pu ki u kapav partisip byin dan predikasyon ek amelyor u kapasite pres bon nuvel avek lezot.
4 Ala kuma u kapav kontiyn fer seki bon ek an mem tan gayn buku lazwa. An rapor avek sa, enn frer an Itali (Italie) finn dir: “Kan mo return kot mwa dan lapremidi apre enn zurne dan servis Zeova, mo rekonet ki mo fatige. Me an mem tan, mo ere ek mo remersye Zeova ki Li finn donn mwa enn lazwa ki personn pa kapav anleve.” Alor, kontiyn fer seki bon, ek u’si, u pu gayn enn gran lazwa.