Parey Kouma Manaenn, Fer To Servis pou Zeova Vinn Kitsoz Pli Inportan dan To Lavi

Manaenn ti enn parmi bann frer ki ti pe diriz laktivite lasanble Antios dan premie siek. Li ti al “lekol ansam avek Erod ki ti sef distrik.” (Zist. 13:1) Alor, Manaenn ti ena enn bon ledikasion ek kitfwa li ti grandi dan enn fami ki ti ris.

Mem si li ti ena ledikasion ek ki li ti grandi dan enn fami ki ris, Manaenn ti desid pou vinn enn Kretien ek pou travay dir dan lasanble. Li pa ti servi so ledikasion ouswa bann kontak ki li ti ena, pou esey vinn enn kikenn ki inportan. Olie sa, li ti servi so bann frer ek ser.

Lexanp Manaenn montre ki nou servis pou Zeova li pli inportan ki enn karyer dan sa lemond-la. Parey kouma Manaenn, nou bann laktivite spiritiel bizin pli inportan ki vinn enn kikenn ki ris ouswa enn gran dimounn dan sa lemond-la. (Mat. 6:33) Ek mem si ledikasion li enn kitsoz ki inportan, nou bizin “verifie bien bann kitsoz ki pli inportan” ek fer sir ki nanye pa anpes nou servi Zeova.—Fil. 1:9, 10.