Kouma To Kapav Konpran Bann Konparezon ki Ena dan Labib?

Bien souvan, Labib servi bann konparezon pou explik bann lide. Selman, boukou dimounn trouv sa bann konparezon-la difisil pou konpran. (Mat. 13:13) Ki to kapav fer pou to konpran pli bien bann konparezon ki Labib servi? Esey sa trwa kitsoz-la:

• Reflesi lor size-la ek konparezon-la. Par exanp, dan Revelasion 3:3, Zezi dir ki li pou vini kouma enn voler. Alor, size-la se Zezi pe vini, ek dan sa verse-la li konpar limem ar enn voler.

• Reflesi lor lien ki size-la ena ar konparezon-la. Esey reflesi lor bann rezon kifer finn servi sa konparezon-la ek ki lien li ena ar size-la.

• Fer sir ki to’nn bien konpran konparezon-la. Parfwa, enn kikenn kapav mal konpran enn konparezon. Par exanp, dan konparezon ki nou ti gete lao, Zezi pa pe vini pou kokin. Olie sa, kontex sa verse-la montre ki, parey kouma enn voler ki vini dan enn moman kot personn pa atann, Zezi osi pou vinn dan enn moman ki nou pa atann.