Bann Ravaz ki Lager Fer
Pas dan enn lager, se enn bann kitsoz pli pir ki kapav ariv enn dimounn. Bann solda ek bann dimounn ki’nn pas dan lager kone ki kantite lager li tromatizan.
BANN SOLDA
“To touletan pe trouv bann dimounn pe mor ouswa ki’nn bien blese. Zame to santi twa an sekirite.”—Gary, Grand-Bretagn.
“Mo ti gagn kout bal dan mo ledo ek dan mo figir, ek mo ti trouv boukou dimounn mor devan mwa, parmi ti ena bann zanfan ek bann vie dimounn. Lager fer twa vinn insansib.”—Wilmar, Kolonbi.
“Kan enn dimounn gagn kout bal devan twa, sa zimaz-la tas dan to latet. Ek mem apre, to kontign tann sa bann kriye-la dan to latet. Zame to pa bliye sa dimounn-la.”—Zafirah, Lamerik.
BANN DIMOUNN KI’NN PAS DAN LAGER
“Mo ti panse ki zame mo ti pou ere ankor. Mo ti per pou mo lavi, me mo ti ankor plis per ki mo fami ouswa mo bann kamarad mor.”—Oleksandra, Ikrenn.
“Kan nou ti pe met lake pou gagn manze ant 2:00 a.m. ziska 11:00 p.m., nou ti extra per atansion nou gagn kout bal akoz enn lager ki ti pe deroule pre ar nou.”—Daler, Tajikistan.
“Mo’nn perdi mo bann paran dan enn lager. Akoz sa, mo’nn vinn enn orfelin, ek pa ti ena personn pou rekonfort mwa ouswa pou pran mwa swin.”—Marie, Rwanda.
Mem si sa bann dimounn-la inn soufer akoz lager, zot inn gagn rekonfor. Ek zot sir ki biento pou nepli ena lager. Sa magazinn Latour Degard la pou servi Labib pou explike kouma sa pou arive.