Eski ou finn deja servi dernier page bann periodik?

Kan bann dimoune prend enn magazine, souvent zot guette so couverture ek sans reflechi zot tourne magazine-la ek jette enn coup d’oeil lor dernier page. Dernier page La Tour de Garde publik ena plusieurs question ek commentaire ki capté l’attention enn dimoune. Ensam avek sa bann question ek bann commentaire-la ena numero bann page ki montré kot nou kapav gagne renseignement lor sa sujet-la.

Nou kapav servi sa pou gagne bann bon l’idée pou bann question ki nou kapav posé pou commence enn conversation. Si nou travail enn territoire souvent, nou kapav change nou bann presentation kan nou servi different question pendant le mois. Si enn dimoune occupé, nou kapav faire enn presentation pli courte kan nou montré enn parmi bann question ki trouve lor dernier page ek dire: “Si ou envie gagne so reponse, mo kapav quitte sa bann magazine-la avek ou, ek nou kapav koz plus lor sa sujet-la kan ou ena plus le temps.” Certain proclamateur kapav choisir pou commence bann conversation kan zot montré dimoune-la dernier page periodik ek invite li pou choisir enn question ki interesse li. Zot kapav montré kot reponse-la trouvé ek lire avek dimoune-la enn verset la Bible ki’nn choisir en avance. Kitfois ou kapav reflechi lor lezot fason ki ou kapav servi sa dernier page-la pou augmente l’interet bann dimoune pou La Tour de Garde.