Ki lezot aprann kan zot observe ou?
1. Ki bann disciple finn aprann kan zot ti observe Jésus?
1 Jésus ti dire: “Vinn enba mo joug avek moi ek aprann ar moi.” (Mat. 11:29, note) Jésus ti enseigne lezot par so bon l’exemple ek pa zis par so bann parole. Reflechi lor seki so bann disciple ti aprann kan zot ti observe li. Li ti enn dimoune ki ti ena la douceur, ki ti bon, ek ki ti ena l’amour. (Mat. 8:1-3; Marc 6:30-34) Li ti ena enn vrai l’humilité. (Jean 13:2-5) Kan bann disciple ti accompagne Jésus dan so ministere, zot ti kapav trouvé couma li ti travail bien dure ek ti efficace kan li ti enseigne lezot la verité. (Luc 8:1; 21:37, 38) Kan lezot observe nou dan ministere, ki l’effet sa ena lor zot?
2. Ki bon l’impression nou kapav laisse bann dimoune dan predication?
2 Bann dimoune en general: Nou l’habillement modeste, nou bann bon maniere, ek nou l’interet sincere pou bann dimoune kapav ena enn grand l’effet lor zot. (2 Cor. 6:3; Phil. 1:27) Zot remarké ki nou servi la Bible souvent. Lezot impressionné kan zot trouvé ki nou ecoute zot avek respé kan zot kozé. Fodé pa nou sous-estime seki nou bon l’exemple dan sa bann domaine-la kapav faire: kitfois sa kapav pousse bann dimoune pou ecoute message lor Royaume Bondié.
3. Ki l’effet positif nou kapav ena lor nou bann frere?
3 Nou bann frere ek soeur: Pense aussi lor l’effet positif ki nou kapav ena lor nou bann frere ek soeur. Nou zele dan ministere kapav faire lezot aussi ena zele pou zot ministere. Pareil couma nou fite ferraille avek ferraille, nou bann presentation ki’nn bien preparé kapav encourage lezot pou ameliore fason ki zot preché. (Prov. 27:17) Kan, avek serieux nou prend bann note lor bann dimoune ki’nn montré l’interet ek kan nou visite zot sans tardé, sa pou motive lezot pou faire pareil. Nou pou ena enn bon l’influence lor nou bann frere ek soeur si nou accompli nou ministere a fond.—2 Tim. 4:5.
4. Kifer, de temps en temps, nou bizin analyse nou-mem pou guetté ki l’exemple nou pé donné?
4 De temps en temps nou kapav analyse nou bann action ek nou bann parole, ek aussi l’influence ki nou ena lor lezot par nou l’exemple. Nou bon l’exemple pou faire Jéhovah plaisir ek nou pou ena mem sentiment ki l’apotre Paul kan li ti dire: “Imite moi, pareil couma moi mo imite Christ.”—1 Cor. 11:1.