Lettre la filiale

Cher proclamateur,

Depuis le 31 janvier ziska le 5 février 2007, nou filiale ti ena privilege pou gagne visite frere Leon Weaver, nou surveillant de zone, ek frere Anthony Morris, membre College central. Toulé-deux finn gagne l’occasion faire enn discours Maurice ek la Réunion. Le 4 février ti ena 2,050 dimoune ki ti assisté sa reunion special-la Maurice. La Réunion ti ena 1,673 assistant dan la Salle l’assemblée ek ti ena aussi 1,548 dimoune ki ti pé suive sa program-la dan bann la-Salle du Royaume par telephone (ek aussi bann frere ek soeur Mayotte). En tou pou la Réunion ek Mayotte ti ena 3,221 assistant.

Frere Weaver ek frere Morris finn gagne aussi l’occasion faire enn discours ar tou bann missionnaire Maurice, la Réunion ek Seychelles. Zot ti faire aussi enn discours special pou tou bann Béthélite.

Nou bien reconnaissant envers nou Grand Createur ek envers so l’organisation pou sa grand privilege ki nou filiale finn gagné-la. Nou encore plus determiné pou contigne servi nou Grand Createur Jéhovah, dan l’unité avek so l’organisation lor la terre, ek pou augmente nou zèle dan nou ministere chrétien, parski nou koné ki c’est sa-mem meilleur chemin pou suive. Nou envie transmette zot tou nou l’affection fraternel. Nou vrai-mem bien content zot ek nou prié Jéhovah pou ki sakenn parmi zot garde zot l’identité en tant ki chrétien ek zot fidelité.

Zot bann frere,

Béthel Maurice