Kifer nou content tou nou bann frere

Dan sa lé-monde zordi, kot ena enn mank l’affection-la, couma eski nou pou cultive enn l’amour profond pou nou bann frere? (1 Pierre 2:17) Couma eski nou pou montré lezot ki, ensam avek nou bann frere, nou forme vrai-mem enn famille international? (Mat. 23:8) Grace a cassette video Toute la communauté des frères, ki montré bann raison pou kifer nou content nou camarade. Guetté si ou kapav reponn sa bann question-la:

(1) Dan ki trois activité nou participé pareil couma tou nou bann frere dan le monde? (2) Couma nou bann frere montré ki zot determiné pou preché (a) dan bann region isolé dan Alaska, (b) dan bann grand port en Europe, (c) dan bann grand la-foret dan Pérou? (3) Ki zoutil bien efficace nou servi dan predication? (4) Kifer fodé jamais nou pensé ki predication, li enn travail ordinaire? (5) Cite bann l’exemple ki montré couma bann Témoins de Jéhovah inn reconforte ek encourage zot camarade dan bann moment difficile, kan finn ena tremblement de terre, cyclone ou la-guerre civil. (Guette recit Takao, dan Réveillez-vous ! 22 août 1995, page 23, ek recit Kotoyo dan Réveillez-vous ! 22 octobre 1996, page 20) (6) Cite bann fason pratik kot nou tou, nou kapav montré sa grand mark ki identifié nou couma enn sel grand famille. (Jean 13:35) (7) Ki grand valeur bann reunion congregation bizin ena pou nou? (8) Ki bann ki pa ti ena la Salle du Royaume avant, ressenti asterla ki zot ena enn l’endroit kot zot kapav reuni? (9) Couma nou bann frere ki reste en Europe de l’Est ek en Russie inn kapav survive lor plan spirituel malgré l’interdiction? (10) Mem asterla, ki zeffort extraordinaire beaucoup Témoins faire pou assisté bann l’assemblée, ek kifer? Couma sa finn encourage ou? (11) Kifer ou determiné pou adore Jéhovah dan l’unité, pou aide lezot dan bann moment difficile, ek pou contigne preché dan tou l’occasion ek par tou moyen possible? (12) Kifer li bon ki nou ena enn sa video cassette-la, ek ki nou faire autant dimoune possible ki interessé ar la verité, guette sa cassette-la?