Program Reunion Service
Semaine a partir 12 septembre
Cantik 29
10 min: Annonce local ek bann annonce approprié dan Ministère du Royaume. Si bann l’idée ki trouve dan page 8 adapté ar ou territoire, servi zot pou presente La Tour de Garde 15 septembre ek Réveillez-vous ! 22 septembre. Kapav servi bann lezot presentation ki adapté ar ou territoire. Faire enn ancien faire enn demonstration ek enn jeune faire enn lot. Apré chaque demonstration, montré bann bon point ki ti ena dan bann presentation-la.
20 min: “Servi bien ou lé-temps.”a Invite l’auditoire pou dire couma zot faire pou reserve le temps pou lire la Bible chaque jour. Encourage bann famille ek bann ki tousel pou servi supplement Ministère du Royaume mai 2005 pou faire zot program l’activité spirituel.
15 min: “Bann l’etude biblik ki faire nou etudiant progressé.”b Discussion avek l’auditoire basé lor 1er ek 2eme partie dan sa supplement-la. Kapav servi aussi Ministère du Royaume août 2004, page 1. Kifer li important ki ou prepare-ou bien a chaque fois ki ou conduire enn l’etude la Bible? Ki ou kapav faire? Invite l’assistance pou dire couma zot finn applik bann suggestion ki zot finn gagné dan Ministère du Royaume. Avant ou terminé, faire enn commentaire lor l’encadré ki ena la-haut dan premier page supplement-la.
Cantik 110 ek la priere final.
Semaine a partir 19 septembre
Cantik 168
10 min: Annonce local. Examine bann point important dan lettre la filiale, ki trouve lor premier page.
20 min: Ki nou finn accompli l’année derniere? Surveillant service ré-guette seki la congregation finn faire pendant l’année service ki finn passé, ek li mette l’accent lor bann kitsoz encourageant ki finn faire dan predication. Felicite bann proclamateur pou bon travail ki’nn faire dan ministere. Cite enn ou deux domaine kot la congregation bizin travail inpé plus sa l’année ki pé vini-la. Faire commentaire lor l’activité bann pionnier, felicite zot pou bon travail ki zot inn faire. Dire bann bon resultat ki finn gagné grace a zeffort ki’nn faire pou aide bann inactif.
15 min: “Anou contigne fortifié sakenn nou camarade.”c Invite l’assistance pou dire couma zot finn tire profit ar l’interet sincere ki lezot finn ena envers zot.
Cantik 199 ek la priere final.
Semaine a partir 26 septembre
Cantik 122
10 min: Annonce local. Donne rapport compte. Remercié l’assistance pou zot contribution. Rappel bann proclamateur pou remette zot rapport pou mois septembre.
15 min: Besoin local.
20 min: Servi bann periodik pou faire konn la bonne nouvelle. Pendant mois octobre, nou pou offert La Tour de Garde ek Réveillez-vous ! Dan l’introduction sa sujet-la, discute lor bann suggestion ki sorti dan Ministère du Royaume février 2005, page 8, paragraphe 3-6: (1) Presente toulé-deux magazine ensam. (2) Reserve enn jour chaque semaine pou presente bann periodik. (3) Fixé enn l’objectif personnel pou place tant periodik par mois. (4) Saisi chaque l’occasion pou offert bann periodik. (5) Servi bien bann vié periodik. Faire bann application local ar sa bann suggestion-la. Apré sa, servi bann suggestion ki ena dan page 8 sa Ministère du Royaume-la, si li adapté ar ou territoire, pou faire enn demonstration pou presente La Tour de Garde 1er octobre ek Réveillez-vous ! 8 octobre. Kapav servi bann lezot presentation ki adapté ar ou territoire. Aussi, attire l’attention lor bann lartik secondaire ki kapav interesse bann dimoune dan territoire, ek faire enn demonstration lor enn parmi sa bann lartik-la. Apré chaque demonstration, montré bann bon point ki ti ena dan sa bann presentation-la.
Cantik 3 ek la priere final.
Semaine a partir 3 octobre
Cantik 54
5 min: Annonce local.
20 min: “Aide lezot pou ‘obeir avek zot leker.’”d Si le temps permette, invite l’assistance pou faire bann commentaire lor bann text ki’nn cité.
20 min: Faire leker Jéhovah content. (Prov. 27:11) Interviewé deux ou trois chrétien ki pé servi Jéhovah avek fidelité depuis longtemps. Invite sakenn pou raconté ki finn aide zot pou contigne obeir Jéhovah. Parmi bann kitsoz ki’nn aide zot, kapav mentionne enn l’etude la Bible serieux, assisté bann reunion regulierement, frequentation bann lezot chrétien fidel, participe dan predication avek tou zot leker, bann la-priere sincere, ek rejette bann mauvais divertissement. Ki kitsoz finn mette zot l’obeissance a l’epreuve, ek couma zot finn reussi surmonte sa bann l’epreuve-la? Couma eski zot finn beni pou zot l’obeissance?
Cantik 170 ek la priere final.
[Note]
a L’introduction moins ki enn minute, ek apré sa, examine lartik-la par question ek reponse.
b L’introduction moins ki enn minute, ek apré sa, examine lartik-la par question ek reponse.
c L’introduction moins ki enn minute, ek apré sa, examine lartik-la par question ek reponse.
d L’introduction moins ki enn minute, ek apré sa, examine lartik-la par question ek reponse.