Lettre la filiale
Cher proclamateur,
Alors ki nou pé commence enn nouveau l’année service, nou ti pou content partage avek zot dé-trois grand evenement ki finn arrivé pendant l’année service ki’nn passé. Beaucoup pou rappel visite surveillant de zone, frere Gerrit Lösch, enn membre College central. Frere Lösch ti profité pou faire l’inauguration nou bann nouveau batiment. So bann discours ek bann fait de predication ki li ti raconté, pou reste bien longtemps gravé dan nou memoire.
Vers la fin juin, nou ti aussi ena la joie pou accueillir enn frere ki responsable bann construction ek l’entretien bann Salle du Royaume dan territoire l’océan Indien. Li ti bien content pou trouvé ki bann frere dan congregation Bambous ti pou kapav faire zot bann reunion dan zot nouveau la-Salle du Royaume a partir mois août, alors ki construction finn commencé seulement depuis mois mars 2005. Dapré so rapport, ena zis trois congregation ki pankor ena zot la-Salle du Royaume dan Maurice.
Nou envie aussi felicite tou bann proclamateur dan tou nou bann l’île pou zot bon travail ki zot inn faire dan predication la bonne nouvelle du Royaume. Dan Mayotte nou bann frere finn gagne enn nouveau maximum 830 nouvelle visite ek 115 l’etude biblik pendant l’année service ki’nn passé. La Réunion finn gagne deux nouveau maximum: 134 pionnier permanent ek 22,081 nouvelle visite. Dan Rodrigues finn gagne enn nouveau maximum 38 proclamateur. Nou bann frere dan Seychelles aussi ti bien zelé dan predication, et zot finn gagne enn nouveau maximum 6,293 heure pou mois mars. Dan Maurice, nou finn gagne trois nouveau maximum: en septembre, finn ena 1,438 l’etude biblik, ti ena aussi 77 pionnier permanent en novembre, ek ti ena 1,522 proclamateur en avril 2005.
Tou sa bann travail-la merite vrai-mem bann felicitation. Nou bien apprecié soutien ki zot apporte l’organisation, dan n’importe ki forme service. (Prov. 3:9, 10) Oui, nou demann Jéhovah contigne beni bann zeffort ki nou faire ensam ‘pou servi Li pou loué so la-gloire’!—Éph. 1:12.
Zot bann frere
Béthel Maurice