Let la Filyal

Proklamater Labonn Nuvel:

“Bondye ti fer puse.” (1 Kor. 3:6) Pandan lane servis 2003, nu finn truve ki kantite sa bann parol-la, vre. Bann zil ki dirize par nu filyal finn konn enn gran lakrwasman. Pena dut, Zeova inn beni zefor ki sakenn parmi nu inn furni.

Pu premye fwa, lasistans Memoryal dan nu bann zil inn depas 10,000! Nu’nn gayn enn lasistans total 10,203—Lareynion (5,795), Moris (3,526) ek Sesel (639). Sa trwa zil-la inn anrezistre enn lasistans rekor. Mayot, Komor ek Rodrig finn usi anrezistre enn bon lasistans (243 antu). Ena donk bann gran perspektiv lakrwasman dan nu bann diferan teritwar.

Nu anvi felisit tu bann proklamater ki’nn fer pyonye pandan lane servis 2003. Dan sertin nu bann zil, ena tuzur enn gran bezwin pyonye. Dan Moris, Sesel, Rodrig ek Mayot, par egzanp, filyal pe tuzur rod bann kup ki ti pu kontan pran servis pyonye spesyal. Frer ek ser, eski ena enn pli gran boner ki kan nu angaz tu nu lavi, nu letan ek nu lenerzi pu donn luanz nu Kreater?

Ena ankor enn lot gran bezwin. Nu bizin bann frer kalifye ki kapav servi kuma ansyin. Nu anvi remersye bann frer ki pe travay dir pu kapav kalifye pu servi kuma ansyin ek serviter ministeryel. Me nu anvi usi remersye zot fami. Sertin finn aksepte pu donn zot mari uswa zot papa pu la kongregasyon. Dan sertin kongregasyon, ena buku ansyin; me lezot ti pu kontan gayn plis ansyin. Eski u kapav “elarzi lanplasman u latant”? (Izai 54:2) Eski u pu aksepte sanz kongregasyon pu servi plis u bann frer ek ser? Si u kapav fer sa, sirveyan sirkonskripsyon uswa la filyal pu kapav gid u dan sa domenn-la.

Alor ki nu pe kumans lane servis 2004, nu priy ansam avek zot, pu ki Zeova “kontiyn fer puse.” Nu transmet zot nu profon lamur fraternel.

Zot bann frer,

Biro La Filyal