Revizyon Lekol Minister Teokratik

Nu pu egzaminn bann kestyon ki lor sa fey-la dan Lekol Minister Teokratik pandan semenn ki kumanse apartir le 23 Février, 2004. Sirveyan lekol pu fer enn revizyon pandan 30 minit. Sa revizyon-la baze lor bann size ki ti fer apartir semenn 5 Janvier ziska semenn 23 Février, 2004. [Not: Kan pena okenn referans apre bann kestyon, u pu bizin fer u prop resers pu truv bann repons.—Get liv École du ministère, paz 36-7.]

TEKNIK ORATWAR

1. Kuma nu kapav fer lasistans truv valer pratik nu size ek tir profi avek seki nu pe prezante? [beF p. 158 par. 1-3]

2. Kifer nu bizin byin swazir nu bann mo? [4, beF p. 160 par. 1 ek dezyem lankadre]

3. Ki bon teknik oratwar 1 Corinthiens 14:9 fer resorti, ek kuma nu kapav aplik sa prinsip-la kan nu anseyne? [5, beF p. 161 par. 1-4]

4. Dapre Matthieu 5:3-12 ek Marc 10:17-21, ki kitsoz remarkab dan lanseynman Jésus nu kapav imite? [6, beF p. 162 par. 4]

5. Kan nu dan predikasyon uswa kan nu pe fer enn komanter dan reynion, kifer eski nu bizin efors nu pu servi bann mo ki motiv lezot, ki exprim bann santiman ek ki rann nu langaz vivan? (Mat. 23:37, 38) [7, beF p. 163 par. 3–p. 164 par. 1]

EXPOZE NO. 1

6. Ki ete tem enn diskur, ek kuma kan nu gard sa dan nu lespri, sa kapav ed nu pu byin swazir ek klas bann lide pu nu diskur? [1, beF p. 39 par. 6–p. 40 par. 1]

7. (a) Ki sa vedir res prop lor plan spirityel, ek kifer nu kapav konsider propte dan sa domenn-la pli inportan ki lezot domenn? (b) Kuma bann Kretyin kapav montre ki zot pa toler okenn kondwit inpir ki kuran dan lemond? [wCE 02 1/2 p. 5-6]

8. Parmi tu bann prinsip ki ena dan la Bib, lekel ki pli inportan? [3, wCE 02 1/3 p. 5 par. 1, 4, 6]

9. Ki ete l’empathie, ek kuma eski Jésus finn demontre sa kalite-la? [4, wF 02 15/4 p. 25 par. 4-5]

10. Kuma Proverbes 11:11 aplik ar bann kongregasyon bann serviter Jéhovah? [7, wF 02 15/5 p. 27 par. 1-3]

LEKTIR LA BIB TULESEMENN

11. “L’arbre de vie” ki mansyone dan Genèse 2:9, ki li reprezante?

12. Kifer eski madam Lot ti perdi lavi? (Gen. 19:26) [4, wF 90 15/4 p. 18 par. 10]

13. Dan dram profetik ki mansyone dan Genèse sapit 24, kisannla ki reprezante par (a) Abraham, (b) Isaac, (c) serviter Abraham, Éliézer, (d) dis samo [Éliézer], ek (e) Rébecca?

14. Eski Bondye ti mark destin Jacob ek Ésaü? (Gen. 25:23)

15. Kuma eski Rachel inn les enn bon legzanp enn kikenn ki’nn fer buku zefor ki’nn beni par Jéhovah? (Gen. 30:1-8) [7, wF 02 1/8 paz 29-30]