Anons
◼ Piblikasyon ki pu ofer an Desam: Le plus grand homme de tous les temps. Kapav prezant usi La Bible : Parole de Dieu ou des hommes ?, Recueil d’histoires bibliques an Franse/Kreol, uswa Vous pouvez vivre éternellement sur une terre qui deviendra un paradis. Zanvye: Kapav prezant ninport ki liv ki’nn pibliye avan 1988. Si pena okenn sa bann liv-la dan stok kongregasyon, verifye si bann kongregasyon vwazinn ena enn sirplis. Kapav usi ofer liv L’humanité à la recherche de Dieu. Fevriye: Approchez-vous de Jéhovah. Si pena sa liv-la, kapav ofer liv La vie : comment est-elle apparue ? Évolution ou création ? uswa liv La Révelation : le grand dénouement est proche ! Mars: Konesans Ki Amenn ver Lavi pu Tuletan an Franse/Kreol. Fer enn zefor spesyal pu kumans bann letid Labib. Si bann dimunn deza ena sa piblikasyon-la, kapav ofer Prêtons attention à la prophétie de Daniel !
◼ Nu rapel bann frer ki okip kont kongregasyon, ki zot bizin anvway bann kontribisyon ki fer pu sutenir laktivite predikasyon mondyal ek Fonds pour Salles du Royaume tulemwa. Fode pa servi sa larzan-la pu ranburs lorn terin Lasal uswa pu enn lot depans ki kongregasyon ena pu fer.
◼ Byinto bann kongregasyon pu resevwar bann fey linvitasyon Memoryal an Franse, pu 2004.
◼ An 2005, nu pu selebre Memoryal Zedi le 24 Mars, apre kuse soley. Nu fer konn sa dat-la an avans pu permet bann frer fer bann laranzman neseser pu rezerv lasal si ena plizir kongregasyon ki servi mem Lasal DiRwayom. Si lwe enn lasal, bann ansyin bizin tom enn lakor avek bann ki ansarz sa lasal-la, pu fer sir ki pena okenn lezot laktivite ki kapav deranz Memoryal, sa swar-la. Sa selebrasyon-la bizin derul anpe ek dan lord. Memoryal li enn lokazyon inportan. Kolez ansyin bizin swazir enn parmi bann orater ki pli kalifye pu fer diskur, olye ki zot fer sa diskur-la aturderol uswa ki mem frer fer diskur tulelane.
◼ Apartir le 15 Mars, 2004, ziska le 16 Me, 2005, nu pu etidye liv Approchez-vous de Jéhovah dan Letid-de-Liv. Bann kongregasyon ki bizin edisyon an gro karakter bizin pas zot komann depi asterla mem.