Program Reynion Servis

Semenn Apartir 13 Oktob

Kantik 215

10 min: Anons lokal ek sertin Anons apropriye dan Nu Minister DiRwayom. Ankuraz tu dimunn pu servi bann kestyon lor paz 1 pu reviz zot not lasanble “Donn Bondye la Glwar.” Sa pu ed zot prepar revizyon ki pu fer par enn diskisyon avek lasistans dan prosin Reynion Servis. Servi bann lide ki ena lor paz 8 pu fer de demonstrasyon realis pu prezant Latur Degard 15 Oktob ek Réveillez-vous ! 22 Oktob. Dan tulede ka, bann proklamater bizin ofer enn Latur Degard ek enn Réveillez-vous ! ansam, mem si zot atir latansyon lor enn sel. Dan enn sa bann prezantasyon-la, montre kuma enn vizit derule pandan enn turne peryodik. Atir latansyon lor lankadre “Dan Nu Prosin Nimero,” pu zet baz pu enn prosenn vizit.—Get Nu Minister DiRwayom Oktob 1998, an Franse, paz 8, paragraf 7-8.

20 min: “Servi Zeova dan Lazwa.”a (Pu sa diskisyon-la, tu dimunn bizin ena avek zot, sipleman Nu Minister DiRwayom Zanvye 2002.) Apre ki’nn egzaminn paragraf 4, mansyone ki pandan mwa Novam, nu pu ofer brosir Ki Bondye Pe Demann Nu ek liv Konesans. Reget pu enn ti moman enn parmi bann prezantasyon ki ena dan sipleman Nu Minister DiRwayom Zanvye 2002. Apre sa, montre enn seans legzerzis lor fason pu fer sa prezantasyon-la. Ankuraz tu dimunn pu prepar zot byin pu predikasyon.

15 min: Nu Gayn Bann Benediksyon kan Nu Kondir Letid Labib. Diskur ek diskisyon avek lasistans. Rakont detrwa lexperyans ki sorti dan nu bann piblikasyon an rapor avek bann letid ki’nn prodir bann bon rezilta. (wF 00 1/3 paz 6; ybF 98 paz 55-60) Invit lasistans pu fer komanter lor seki nu aprann dan sa bann lexperyans-la, ek usi kuma nu tir profi kan nu kondir bann letid Labib.

Kantik 172 ek lapriyer final.

Semenn Apartir 20 Oktob

Kantik 86

5 min: Anons lokal.

40 min: “Bann Lasanble Distrik ek Internasyonal Pus Nu pu Donn Bondye la Glwar!” Size ki bizin fer par enn ansyin. Apre enn introdiksyon anviron enn minit, servi bann kestyon ki ena dan lartik-la pu gayn enn diskisyon avek lasistans lor program lasanble. Reparti byin letan pu ki kapav egzaminn tu bann kestyon. Kitfwa pu sertin kestyon, enn sel repons sifi. Letan pa permet pu lir tu bann tex ki site; zot selman site pu ed nu truv bann repons. Bann komanter bizin fer resorti bann byinfe ki gayne kan nu met bann kitsoz ki nu aprann an pratik.

Kantik 112 ek lapriyer final.

Semenn Apartir 27 Oktob

Kantik 64

12 min: Anons lokal. Rapor Kont. Rapel bann proklamater pu remet zot rapor Oktob. Ankuraz tu dimunn pu reget zot not dernye lasanble spesyal enn zur kan zot prepar Reynion Servis pu semenn prosenn. Servi bann lide ki ena lor paz 8 pu fer de demonstrasyon ki vivan ek natirel pu prezant Latur Degard 1 Novam ek Réveillez-vous ! 8 Novam. Dan tulede ka, bann proklamater bizin ofer enn Latur Degard ek enn Réveillez-vous ! ansam, mem si zot atir latansyon lor enn sel. Dan enn sa bann prezantasyon-la, montre kuma pu sirmont obzeksyon, “Sa pa interes mwa.”—Get liv Comment raisonner, paz 16.

20 min: Servi Lepe Lespri. (Efe. 6:17) Diskisyon avek lasistans baze lor liv École du ministère, paz 143-4. Invit lasistans pu reponn sa bann kestyon-la: (1) Kifer nu servi Labib kan nu reponn bann kestyon? (2) Ki sa non Temwin Zeova-la indike lor nu? (3) Ki legzanp Zezi inn done, ek kuma nu kapav imit li? (4) Dan nu teritwar, dan ki diferan fason efikas, nu kapav introdir bann panse Labib? (5) Kifer li bon, si posib, ki nu lir direkteman dan Labib? (6) Kuma bann ansyin kapav ankuraz lezot pu byin servi Labib? Fer enn demonstrasyon byin prepare, baze lor legzersis ki ena lor paz 144. Dan sa demonstrasyon-la, enn proklamater kapab servi omwin enn verse pu reponn enn kestyon. Ankuraz tu dimunn pu fixe lobzektif pu servi Labib, sak fwa ki zot donn temwaynaz.

13 min: Bann lexperyans lokal. Invit lasistans pu rakont bann lexperyans ki zot inn gayne kan zot inn asiste lasanble distrik, uswa kan zot inn donn temwaynaz informel dan travay, dan lekol, uswa dan enn lot plas.

Kantik 52 ek lapriyer final.

Semenn Apartir 3 Novam

Kantik 147

5 min: Anons lokal.

15 min: Bezwin lokal.

25 min: Vinn Ris dan Bann Bon Aksyon. (1 Tim. 6:18) Avek led bann kestyon ki ena apre, enn ansyin diskit program dernye lasanble spesyal enn zur avek lasistans. Invit kongregasyon pu rakonte kuma zot finn reysi aplik seki zot finn aprann. (Kapav demann sertin pu prepar zot alavans pu partisipe.) Fer resorti sa bann diferan parti program-la: (1) “Bann Bon Aksyon Amenn Gran Profi.” (Ekl. 2:11) Kifer bann serviter Bondye fer zefor pu fer bann bon aksyon ki dekrir dan Parol Bondye, olye zot fer bann aksyon ki initil dan sa lemond-la? (2) “Vinn Ris Devan Bondye.” (Mat. 6:20) Kuma sertin ‘finn ramas trezor dan lesyel,’ ek ki byinfe zot finn gayne? (3) “Anrisi U Minister Avek enn Letid Labib.” (omF paz 91-92) Ki kapav ed nu pu kumans ek kondir bann letid Labib? (4) “Bann Bon Aksyon dan Peryod Rekolt.” (Mat. 13:37-39) Ki legzanp bann premye Kretyin inn lese an seki konsern bann bon aksyon, ek kuma travay predikasyon inn pran lanpler dan nu lepok? (5) “Les Zot Bann Aksyon Donn Zeova la Glwar.” (Mat. 5: 14-16) Kuma eski sertin inn ‘fer zot lalimyer briye’? (6) “Felisit Bann Zenn pu Bann Bon Aksyon Ki Zot Pe Fer pu Donn Zeova la Glwar.” (Psom 148:12, 13) Kuma bann zenn Kretyin dan nu sirkonskripsyon pe donn Zeova la glwar? (7) “Kontiyn Fer Bann Bon Aksyon ek Rekolte Bann Benediksyon Zeova.” (Pro. 10:22) Si nu kontiyn fer bann bon aksyon, ki bann benediksyon nu kapav rekolte lor plan individyel, antan ki enn fami, antan ki kongregasyon, ek antan ki enn lorganizasyon internasyonal?

Kantik 180 ek lapriyer final.

[Note]