Program Reynion Servis

Semenn Apartir 12 Me

Kantik 1

10 min: Anons lokal ek bann anons apropriye dan Nu Minister DiRwayom.

20 min: Paran—Ed U Bann Zanfan pu Progrese. Enn diskur ki egzaminn bann pwin inportan dan liv École du Ministère, paz 9-12 ek paz 21-38. Ankuraz bann paran pu servi sertin pwin ki ena ladan dan zot letid familyal, avek lobzektif pu form zot bann zanfan pu progrese dan laktivite predikasyon. Atir latansyon lor bann pwin presi ki kapav servi pu ed bann zenn pu devlop bann kapasite ki zot bizin.

15 min: “Bondye Finn Konfye Nu Bon Nuvel.”a Fer enn uswa de proklamater prepar zot alavans pu dir kuma zot finn kapav adapte zot sityasyon personel pu fer plis dan predikasyon.

Kantik 46 ek lapriyer final.

Semenn Apartir 19 Me

Kantik 62

15 min: Anons lokal. Rapor kont. Avek bann lide ki ena lor paz 8, fer de demonstrasyon pu prezant Latur Degard 15 Me ek Réveillez-vous ! ansam, mem si zot atir latansyon lor enn sel. Mansyonn usi donasyon pu nu laktivite ar dimunn ki pe ekute la.

15 min: Bezwin lokal.

15 min: “Donn Zeova Loner par Temwaynaz Okazyonel.” Diskur ek diskisyon avek lasistans. Kan pe egzaminn paragraf 3, demann lasistans ki zot kapav dir pu kumans enn konversasyon lor Labib dan sa bann sityasyon la: (1) dan sipermarse, kan pe atann dan lake pu peye, (2) kan pe vwayaze dan bis uswa taxi, (3) ar enn vwazin ki pe travay dans so lakur, (4) ar enn koleg dan travay, (5) ar enn kamarad dan lekol. Demann enn proklamater pu prepar li alavans pu dir kuma li finn gayn sikde kan li finn donn temwaynaz okazyonel.

Kantik 135 ek lapriyer final.

Semenn Apartir 26 Me

Kantik 174

15 min: Anons lokal. Egzaminn lartik “Konstriksyon Internasyonal Bann Lasal DiRwayom dan Sertin Peyi l’Europe.” Mansyone ki konstriksyon bann Lasal DiRwayom dan bann peyi ase pov ek dan nu bann zil, li sutenir grasa bann donasyon pu Fonds spécial de la Société pour Salles du Royaume. Rapel zot tu pu remet zot rapor pu Me.

10 min: Kestyon Ki Suleve. Diskur. An bref, reget sertin sigzesyon lor bann prezantasyon par telefonn ki paret dan Nu Minister DiRwayom Fevriye 2001, paz 6, paragraf 12-15, uswa lezot sigzesyon ki bann proklamater finn truv byin efikas dan teritwar.

20 min: “Parol Bondye Li Laverite.”b Servi bann kestyon ki ena anba. Invit lasistans pu fer bann komanter lor kuma zot finn gayn led pu konn laverite kan bann proklamater finn servi Labib pu reponn zot bann kestyon. Kan pe egzaminn paragraf 4, demann enn proklamater kapab pu fer enn demonstrasyon lor kuma servi Labib premye fwa ki nu zwenn enn dimunn dan predikasyon. Li kapav servi bann sigzesyon ki paret dan lartik “Servi Parol Bondye Kuma Bizin.”—km 12/01 p. 1 pars. 3-4.

Kantik 188 ek lapriyer final.

Semenn Apartir 2 Zin

Kantik 210

15 min: Anons lokal. Avek bann lide ki ena lor paz 8, fer de demonstrasyon pu prezant Latur Degard 1 Zin ek Réveillez-vous ! 8 Zin. Dan tulede ka, bann proklamater bizin ofer enn Latur Degard ek enn Réveillez-vous ! ansam, mem si zot atir latansyon lor enn sel. Dan konklizyon enn dan sa de konversayon la, kit trak Eski U Ti Pu Kontan Konn Plis lor Labib? avek dimunn ki pe ekute ek ki pa finn aksepte bann piblikasyon la. Reget enn uswa de sigzesyon dan sipleman Nu Minister DiRwayom Zanvye 2002 lor prezantasyon brosir Ki Bondye Pe Demann Nu ek liv Konesans Ki Amenn ver Lavi pu Tuletan.

15 min: Enn Maryaz Onorab—Se Seki Bondye Demande. Diskur ek diskisyon avek lasistans. Dan buku peyi li normal ki bann kup res ansam san ki zot marye sivil. Sertin pretann ki sa kalite lavi la ena sertin lavantaz. Met laksan lor pwindevi Labib, ek montre ki se Bondye ki finn etabli maryaz. (rsF paz 244-5) De dimunn ki res ansam san ki zot marye pe komet seki Labib apel Fornication, uswa vis sexyel. (fyF p. 17) Bann resers finn montre ki kan de dimunn viv ansam avan maryaz, sa diminye sans ki zot ena ki zot maryaz pu reysi. Ek sa li byin diferan avek seki buku dimunn panse. (gF 02 8/3 p. 29; gF 92 8/9 p. 28; gF 91 8/5 p. 28) Bann Kretyin donn loner Zeova kan zot viv an akor avek so bann prinsip. Kan zot fer sa zot gayn usi bann byinfe.—Izai 48:17, 18.

15 min: Kuma Eski U Pe Tir Profi? Fer par Sirveyan lekol ek diskisyon avek lasistans. Apartir Zanvye, nu finn kumans enn nuvo fason pu fer Lekol Minister Teokratik. An bref, reget sertin nuvo laspe sa lekol la. Met laksan lor bann byinfe ki finn gayne ziska la. Eski ena plis zelev ki finn donn zot non pu sa lekol la? Eski bann proklamater montre enn pli gran lintere pu partisipe? Kuma eski bann zelev pe tir profi grasa sa nuvo dispozisyon pu donn bann konsey la? Invit lasistans pu dir kuma personelman zot finn tir profi ziska la, ek kuma esk zot panse sa nuvo program la pu ed zot dan lavenir.

Kantik 225 ek lapriyer final.

[Note]