Servi Liv Ador Sel Vre Bondye pu Fer Bann Letid Labib
Liv Ador Sel Vre Bondye finn fer pu ed bann nuvo pu progrese dan laverite ek pu ogmant zot apresyasyon pu Zeova ek so lorganizasyon. Nu kapav servi sa kuma enn dezyem liv pu fer letid avek nu bann etidyan. Dan Notre Ministère du Royaume Juin 2000 paz 4, ti ena sa explikasyon la: “Si li kler ki enn dimunn pe progrese, mem dusma-dusma, ek ki li pe devlop enn apresyasyon pu seki li pe aprann, alor kontiyn so letid dan enn dezyem liv apre ki u’nn fini etidye brosir Ki Bondye Pe Demann Nu? ek liv Konesans Ki Amenn ver Lavi pu Tuletan. . . . Sak fwa ki nu fer enn letid, nu bizin etidye brosir Ki Bondye Pe Demann Nu ek liv Konesans Ki Amenn ver Lavi pu Tuletan, avan. Mem si etidyan la finn fini batize avan lafin dezyem liv la, nu pu kont li kuma enn letid. Sak fwa nu fer letid nu pu kont enn vizit, ek nu pu kont lertan ki nu’nn pase pu fer letid la.
Kisannla kapav profit enn letid Labib dan liv Ador Sel Vre Bondye? Sa mem lartik la kontiyn dir: “Si u konn enn kikenn ki’nn deza etidye liv Konesans Ki Amenn ver Lavi pu Tuletan dan lepase, me ki pa’nn progrese ziska ki li angaz li ar Zeova ek pran batem, kitfwa nu kapav deside pu demann li si li ti pu kontan rekumans etidye Labib.” Anu fer enn zefor spesyal pu kumans bann letid dan liv Ador Sel Vre Bondye avek sa bann dimunn la pandan mwa Mars ek Avril.