Program Reynion Servis

Semenn Apartir 9 Desam

Kantik 193

10 min: Anons lokal ek bann anons ki dan Nu Minister DiRwayom.

15 min: “Anons Mesaz Rwayom.”a Kan egzaminn paragraf 3, azut bann sigzesyon lor kuma pu lir direk dan Labib, kan nu pe prese.—km 12/01 p. 1 par. 3.

20 min: Raport Bann Frwi dan Tu Bon Aksyon. Diskur avek partisipasyon lasistans. Bizin fer par enn ansyin. Retras listwar ek progre kongregasyon lokal. Koz usi lor bann zefor ki’nn fer pu form sa kongregasyon la. Demann, an avans, bann ki ti la sa lepok la pu rakont bann lexperyans ankurazan. Egzaminn lakrwasman ki kapav atann dan lavenir, ek ankuraz tu dimunn pu sutenir bann aktivite kongregasyon avek zel.

Kantik 119 ek lapriyer final.

Semenn Apartir 16 Desam

Kantik 29

12 min: Anons lokal. Anons bann sorti predikasyon pu 25 Desam ek 1 Zanvye. Rapor kont. Servi bann lide ki dan paz 8, ek fer bann demonstrasyon pu montre kuma prezant La Tour de Garde 15 Desam ek Réveillez-vous ! 22 Desam.

15 min: Bann Ki Ena Lintelizans, Zot Pu Konpran. (Dan. 12:3, 10) Demonstrasyon. Enn kikenn interese demande: “Kuma eski mo kapav sir ki zot konpran bann lanseynman Labib kuma bizin?” Proklamater la explike ki kapav egzaminn sa bann lanseynman la size par size, ek gete seki Labib dir lor la. (wF 96 15/5 paz 19-20) Avek enn uswa de legzanp ki ena dan liv Comment raisonner, paz 403-8, proklamater la montre par egzanp kuma, kan nu’nn analiz byin bann tex Labib, nu’nn konpran proze Bondye konsernan later. Donk, proklamater la explike ki kapav servi sa mem metod la pu konpran byin lezot lanseynman Labib. Ek li propoz dimunn la enn letid Labib.

18 min: “Mazinn Bann Dimunn Aze Ki Fidel.”b Azut bann komanter ki dan Latur Degard 1 Ut, 1994 paz 29, an Franse. Mansyonn nuvo laranzman kot bann proklamater andikape kapav remet enn rapor servis, mem si zot finn rann temwaynaz pandan 15 minit. Fer sertin dan lasistans rakont bann lexperyans ki montre kuma kan nu frekant sa bann dimunn la, zot tir profi ek nu’si parey.

Kantik 154 ek lapriyer final.

Semenn Apartir 23 Desam

Kantik 148

15 min: Anons lokal. Pran Pozisyon pu Laverite dan Lekol. Intervyue enn uswa de zenn proklamater ki pe donn bon legzanp ek ki pu repran lekol apre vakans. Bann zenn la realize ki zot bizin limit frekantasyon avek zot bann kamarad ki pa Temwin. Kuma eski zot pe pans fer fas avek bann problem ek bann tantasyon ki zot pu kapav gayne? Par egzanp, ena bann seremoni patriotik ek lezot aktivite ki organize apre ler lekol ki kapav amenn zot ena enn move kondwit. Fer zot sit usi bann fason ki zot pe pans donn temwaynaz dan lekol. Ankuraz tu dimunn pu get kaset video No Blood—Medicine Meets the Challenge pu prepar diskisyon ki pu ena dan Reynion Servis semenn 6 Zanvye.

15 min: Bezwin lokal.

15 min: “Eski U Fer U Par pu ki Rapor Egzak?”c Kan egzaminn paragraf 2, azut bann komanter ki dan liv Notre ministère, paz 106-8.

Kantik 165 ek lapriyer final.

Semenn Apartir 30 Desam

Kantik 152

10 min: Anons lokal. Rapel bann proklamater pu remet zot rapor servis mwa Desam. Servi bann lide ki dan paz 8, fer bann demonstrasyon pu montre kuma prezant Latur Degard 1 Zanvye ek Réveillez-vous ! 8 Zanvye. Mansyonn piblikasyon ki pu ofer an Zanvye, ek atir latansyon lor bann liv ki kongregasyon ena dan stok.

15 min: Egzaminn liv Ador Sel Vre Bondye. Diskur avek partisipasyon lasistans. Explike ki pu servi sa liv la kuma dezyem liv letid. (kmF 6/00 p. 4 par. 5-6) Invit lasistans pu dir seki zot finn apresye an partikilye dan sa liv la. Presize ki dan sertin porsyon sa liv la, ena bann kestyon ek bann pasaz Labib ki pu pus etidyan la pu reflesi an profonder lor Parol Bondye. Rakont legzanp ki dan paz 47-9, paragraf 13.

20 min: “‘Donn Bondye Laglwar,’ Lasanble Distrik Bann Temwin Zeova pu 2003”d Sekreter ki bizin fer sa parti la. Avan egzaminn sipleman la, lir let 15 Desam, 2002, an rapor avek lasanble. Ankuraz tu dimunn pu fer bann laranzman neseser, pli vit posib, pu asiste lasanble.

Kantik 147 ek lapriyer final.

Semenn Apartir 6 Zanvye

Kantik 67

5 min: Anons lokal.

23 min: Led pu Obeir Lalwa Bondye lor Disan. Diskur par enn ansyin kalifye. Li egzaminn bann dispozisyon ki finn pran pu ede an rapor avek bann desizyon medikal, kuma par egzanp kart Instructions médicales/Attestation prévisionelle, ek “Kestyon Bann Lekter” dan Latur Degard 15 Zin 2000, ek 15 Oktob 2000. Bann kongregasyon bizin ena ase kart Instructions médicales/Attestation prévisionelle. Bann proklamater batize pu kapav gayn sa dokiman la apre sa reynion la, me fode PA ranpli li deswit uswa kan zot rant kot zot. Siyn kart, met non bann temwin, ek dat ki finn ranpli sa kart la, kapav fer tusala dan prosin Letid Liv, kot kondikter letid liv kapav donn so led. Tu dimunn bizin siyn so dokiman devan so bann temwin. Bann ki pankor batize kapav servi bann ranseynman ki ena dan dokiman Instructions médicales/Attestation prévisionelle ek adapte li avek zot sityasyon ek zot krwayans ek kumsa zot kapav prepar enn dokiman pu zot ek pu zot zanfan usi. Montre ki li saz ki nu servi nu konsyans ki finn byin forme par Labib pu pran bann desizyon medikal an avans. (Proverb 27:12; 14:15) Li byin inportan usi ki alavans nu fini gayn enn konversasyon avek bann dokter lor seki akseptab an rapor avek bann mwayin medikal ek bann medikaman. Enn letid personel atantif byin inportan pu pran bann desizyon kuma bizin. Lir bann paragraf apropriye dan bann lartik Latur Degard ki finn mansyone lao. Montre ki bann ansyin pre pu ede, me zot pa kapav pran desizyon pu lezot. Explik bann fason kuma bann frer ek ser kapav donn bann linformasyon par ekri lor zot bann desizyon.

17 min: “U Bizin Get Kaset Video No Blood—Medicine Meets the Challenge.” Fer par enn ansyin kalifye. Kumans egzaminn deswit kaset video No Blood avek lasistans, servi bann kestyon ki ena dan lankadre paz 7. Apre sa, lir dernye paragraf ki dan lankadre la.

Kantik 79 ek lapriyer final.

[Not anba paz]