Program Reynion Servis

Semenn Apartir 13 Me

Kantik 37

15 min: Anons lokal. Bann anons dan Nu Minister DiRwayom. Diskisyon lor Kestyon Ki Suleve: Kifer eski bizin fer atansyon kan donn temwaynaz atraver let?

15 min: “Enn Esanz Lankurazman Spesyal.” Enn diskur. Ankuraz loditwar pu atann avek inpasyans ek pu montre zot rekonesan pu lasanble distrik. Ankuraz usi tu dimunn pu prezan pu sak sesyon, depi Vandredi gramatin ziska Dimans apremidi.

15 min: “Travay U Teritwar Afon—Servi Notes de maison en maison.” Apre enn introdiksyon enn minit, diskit lartik la par kestyon ek repons. Montre form S-8 (Notes de maison en maison). Ankuraz bann proklamater pu servi sa bann form la.

Kantik 115 ek lapriyer final.

Semenn Apartir 20 Me

Kantik 13

13 min: Anons lokal. Rapor kont. Ankuraz zot tu pu amenn zot sipleman Nu Minister DiRwayom Zanvye 2002 pu semenn prosenn. Servi bann sigzesyon ki ena dan paz 8, ek fer de demonstrasyon pu prezant La Tour de Garde 15 Me ek Réveillez-vous ! 22 Me. Dan sak demonstrasyon montre enn diferan fason pu sirmont obzeksyon, “Mo okipe.”—Get liv Comment raisonner paz 19-20.

15 min: “Satisfer U Bezwin Spirityel.” Diskur ek partisipasyon loditwar. Egzaminn bann rezon pu kifer nu tu nu bizin byin swiv program Lasanble. Atir latansyon lor linportans pu aplik seki nu aprann olye ki nu zis tande. Dir bann asistan, ki apre pu fer enn revizyon bann pwin inportan lasanble distrik. Ankuraz zot tu pu pran bann not. Invit detrwa asistan pu fer komanter lor profi ki zot finn tire ar program lane dernyer.

17 min: “Enn Labiyman ek Laparans Ki Sinp.”a Bizin fer par enn ansyin ki pu lir sak paragraf apre ki’nn fini diskit li. Ed zot tu pu rekonet ki li inportan nu vey byin lor nu laparans personel an piblik.

Kantik 169 ek lapriyer final.

Semenn Apartir 27 Me

Kantik 208

10 min: Anons lokal. Rapel bann proklamater pu donn zot rapor pu mwa Me.

15 min: “Eski U Kongregasyon Ena enn Gran Teritwar?” Diskur ek partisipasyon loditwar par sirveyan servis. (Bann kongregasyon ki ena tigit teritwar kapav reget lartik “Faisons en sorte que notre temps compte,” dan Nu Minister DiRwayom Zin 1999.) Atir latansyon lor kantite teritwar ki kongregasyon ena ek kantite ki finn kuver lane pase. Explike kuma bann sigzesyon ki’nn ofer kapav aplike pu kongregasyon. Reget bann laranzman ki pe fer pu kuver teritwar ki fer rarman, dan lavenir.

20 min: “Eski U Pe Servi Brosir Ki Bondye Pe Demann Nu? pu Kumans Bann Letid?” (Zot tu bizin ena Nu Minister DiRwayom Zanvye 2002 avek zot pu sa diskisyon la.) Avan, fer enn proklamater ki’nn byin prepare fer demonstrasyon lor manyer kumans enn letid. Servi legzanp dan paragraf 3. Apre sa, mansyonn bann pwin interesan ki ena dan brosir la ek explike ki manyer li’nn prepare dan enn bon fason pu kumans bann letid. Montre linportans pu reget bann prezantasyon dan sipleman Zanvye 2002. Demann bann asistan avek ki sigzesyon zot finn remarke zot gayn plis sikse. Dan konklizyon repet demonstrasyon ki ena lao.

Kantik 93 ek lapriyer final.

Semenn Apartir 3 Zin

Kantik 178

15 min: Anons lokal. Servi bann sigzesyon ki ena dan paz 8, ek fer enn proklamater aze prezant Latur Degard 1 Zin ek enn proklamater pli zenn montre kuma pu prezant Réveillez-vous ! 8 Zin. Apre sak demonstrasyon montre ki manyer li fasil pu azut enn tex Labib dan prezantasyon. Dir bann proklamater rakonte ki bann lazwa zot ti gayne kan zot ti fer pyonye oxilyer ek pyonye permanan pandan mwa Mars, Avril uswa Me.

15 min: Kuma Liv Comment raisonner Servi Bann Lezot Tradiksyon Labib. Enn ti diskur ek apre partisipasyon loditwar. Lir paragraf 1 lor paz 8 dan liv Comment raisonner ek explike kifer ek kuma bizin servi Labib suvan dan nu minister. Atir latansyon lor lalis bann abrevyasyon Labib lor paz 6, ek explike kifer nu servi bann lexpresyon dan lezot tradiksyon. Diskit bann rapel ki mansyone dan Latur Degard 1 Oktob 1997 an Franse, paz 16 paragraf 2, ek paz 20 paragraf 15. Servi bann size “Succession apostolique,” “Images” ek “Trinité” dan liv Comment raisonner, ek invit bann asistan pu montre ki manyer kan nu konpar bann tradiksyon, sa kapav ed nu pu anseyn laverite.

15 min: “Nu Lafwa Pus Nu pu Fer Bann Bon Travay.”b Kan pe diskit paragraf 2, intervyue enn Temwin zele. Fer proklamater la dir ki manyer kan li donn lezot temwaynaz sa montre ki li ena lafwa ek sa ranforsi so lafwa.

Kantik 56 ek lapriyer final.

[Not anba paz]