Program Reynion Servis
Semenn Apartir 10 Desam
Kantik 205
13 min: Anons lokal ek bann Anons ki finn swazire dan Nu Minister DiRwayom. Ankuraz tu dimunn pu get kaset video Jusqu’aux extrémités de la terre pu prepar zot pu lartik ki pu egzamine dan Reynion Servis semenn 24 Desam. Servi bann sigzesyon dan paz 8 pu fer de demonstrasyon lor prezantasyon bann peryodik. Pu premye demonstrasyon servi La Tour de Garde 15 Desam ek dan lot la servi Réveillez-vous ! 22 Desam.
12 min: Bezwin lokal.
20 min: “Bann Benediksyon Ki Nu Gayne Kan Nu Montre Rekonesans pu Lamur Zeova—Dezyem Parti.”a
Kantik 222 ek lapriyer final.
Semenn Apartir 17 Desam
Kantik 211
10 min: Anons lokal. Rapor kont. Anons bann sorti predikasyon pu 25 Desam ek 1 Zanvye.
22 min: “Servi Parol Bondye Kuma Bizin.”b Fer enn demonstrasyon pratik lor prezantasyon ki ena dan paragraf 4. Fer usi enn lot demonstrasyon pu montre kuma Labib donn lespwar ek konsolasyon pu bann dimunn ki afekte par bann kondisyon ki ena dan lemond.
13 min: ‘Vous avez votre Bible à vous’ (Zot Ena Zot Prop Labib). Size par kestyon ek repons, baze lor liv Comment raisonner paz 411. Ki nu kapav dir si bann dimunn ezite pu ekute parski nu servi Traduction du monde nouveau? Fer sertin proklamater prepar zot an avans pu donn, dan zot prop mo, bann sigzesyon ki ena dan liv la.
Kantik 225 ek lapriyer final.
Semenn Apartir 24 Desam
Kantik 218
10 min: Anons lokal. Mansyonn piblikasyon ki pu ofer an Zanvye ek bann liv ki kongregasyon ena dan stok. Servi bann sigzesyon dan paz 8 pu fer de ti demonstrasyon lor prezantasyon bann peryodik. Pu premye demonstrasyon, servi La Tour de Garde 1 Zanvye ek dan lot la servi Réveillez-vous ! 8 Zanvye. Fer enn zenn proklamater fer enn demonstrasyon la.
10 min: “Lekol Minister Teokratik pu Lane 2002.” Diskur par sirveyan lekol. Ankuraz tu bann zelev pu fer enn zefor pu prezant tu bann devwar ki zot gayne.
25 min: “Donn Temwaynaz—Jusqu’aux extrémités de la terre.” Lasistans kapav partisipe. Ankuraz tu bann proklamater pu reflesi serye-serye seki zot kapav fer ankor pu fer bann dimunn konn labonn nuvel dan zot teritwar, uswa kot ena enn pli gran bezwin. Get Nu Minister DiRwayom Zilyet 2001, paz 4. An Fevriye nu pu get kaset video Noé : il marchait avec Dieu.
Kantik 24 ek lapriyer final.
Semenn Apartir 31 Desam
Kantik 140
5 min: Anons lokal. Rapel bann proklamater pu remet zot rapor mwa Desam. Si u kongregasyon pu sanz ler reynion pu nuvo lane, ankuraz tu dimunn pu respekte sa bann nuvo ler la ek asiste reynion regilyerman. Fer sir ki tu bann ki interese ek tu bann proklamater inaktif konn sa bann sanzman la.
10 min: Kestyon Ki Suleve. Sa parti la pu trete dan form enn diskur.
15 min: Donn Bann Ansyin Lestim Ki Zot Merite. De uswa trwa serviter ministeryel egzaminn La Tour de Garde 1 Zin 1999, paz 18-19. Zot koz lor plizir responsabilite ki bann ansyin bizin okipe, kuma par egzanp zot travay, bann responsabilite familyal, ek bann responsabilite teokratik. Egzaminn bann fason ki nu tu nu kapav ankuraz zot, fer zot sarz vinn pli leze, ek swiv zot direksyon. Bann serviter ministeryel la rekonet ki bann ansyin pe akonpli enn servis ki ena buku valer ek zot merit enn “lestim byin-byin spesyal.”—1 Tes. 5:12, 13.
15 min: “‘Bann Proklamater Rwayom ki Zele,’ Lasanble Distrik Bann Temwin Zeova pu Lane 2002.”c Sekreter ki bizin fer sa parti la, li bizin atir latansyon lor paragraf 4-7. Letan egzaminn paragraf 3, lir let 15 Desam 2001 an rapor avek lasanble distrik. Avek buku lantuzyas ankuraz kongregasyon pu fer bann laranzman neseser pu lasanble, pli vit posib.
Kantik 219 ek lapriyer final.
Semenn Apartir 7 Zanvye
Kantik 20
10 min: Anons lokal.
20 min: Tirez le meilleur parti de votre vie (Profit Byin U Lavi). Bann manb enn fami egzaminn La Tour de Garde 15 Ut 1998, paz 8-9. Papa la anvi ki so fami mars lor enn semin ki pu fer zot rekolte lazwa olye ki desepsyon. Zot reget bann konsey Labib ki ena dan lartik la, ki montre kuma zot kapav garanti zot boner. Zot met laksan lor linportans ena disernman, bann priyorite ki vo lapenn, ek pu fer Zeova konfyans. Zot fer resorti bann sanzman pratik ki zot kapav fer antan ki enn fami.
15 min: Anu Egzaminn Byin Nu Lasal DiRwayom. Diskur par enn ansyin. Pran kont dan ki leta Lasal DiRwayom ete. Ki bann dispozisyon pe pran pu fer netwayaz zeneral avan Memoryal? Ki bann reparasyon pu bizin fer avan sa? Explike kuma kongregasyon kapav ede. Montre ki li byin inportan nu fer landrwa kot nu ador Bondye reflekte bote ek dinite ki lakaz Zeova merite.—Psom 84:1.
Kantik 126 ek lapriyer final.
[Not anba paz]
a Lintrodiksyon mwins ki enn minit, ek apre sa, egzaminn lartik la par kestyon ek repons.
b Lintrodiksyon mwins ki enn minit, ek apre sa, egzaminn lartik la par kestyon ek repons.
c Lintrodiksyon mwins ki enn minit, ek apre sa, egzaminn lartik la par kestyon ek repons.