Program Reynion Servis

Semenn Apartir 12 Novam

Kantik 170

12 min: Anons Lokal ek bann Anons ki dan Nu Minister DiRwayom. Anons bann laranzman predikasyon pu 25 Desaem ek 1 Zanvye. Egzaminn lankadre “Komite Konstriksyon Rezyonal” ek fer referans ar let 4 Zilyet 2001 ki ti adrese ar sak ansyin.

15 min: “Kont lor Zeova pu Gayn Lafors.”a Fer usi detrwa ti komanter lor La Tour de Garde 1 Oktob 1999, paz 18-19, paragraf 6-8.

18 min: Ki Ena dan Liv Comment raisonner? Egzaminn lartik la avek lasistans. Egzaminn bann legzanp ki finn site anba pu montre kuma bann pwin interesan ki ena dan sa liv la kapav ed nu pu byin explik bann lanseynman Labib: Ena bann definisyon, kuma par egzanp “Royaume” (paz 335) uswa “esprit” (paz 135-6); bann diferan tradiksyon Labib, ki montre kot sa ek ki manyer non Bondye finn servi dan Labib (paz 195-6) uswa laverite lor lanfer (paz 123-5); ena bann lalis, par egzanp bann krwayans detaye ki montre diferans ant nu ek bann lezot relizyon (paz 393-395) uswa pu montre kuma enn dimunn kapav kone ki relizyon ki bon (paz 316-18); ena bann ranseynman lor listwar ki montre lorizinn Nwel (paz 162-4), uswa kuma bann premye kretyin pa ti fer parti dan lemond (paz 267-9); ena bann prev syantifik ki an faver kreasyon (paz 73-4) uswa ki montre kuma gandya ek sigaret zot danzere (paz 114-6). Ankuraz bann proklamater pu servi sa bon led ki nu ena la pu anseyne sak fwa ki lokazyon prezante dan predikasyon.

Kantik 191 ek lapriyer final.

Semenn Apartir 19 Novam

Kantik 172

8 min: Anons lokal. Rapor kont.

15 min: Bezwin lokal.

22 min: “Devlop U Bann Kapasite pu Diserne.”b Enn ansyin egzaminn sa lartik la avek bann asistan.

Kantik 195 ek lapriyer final.

Semenn Apartir 26 Novam

Kantik 177

15 min: Anons lokal. Rapel bann proklamater pu remet zot rapor servis mwa Novam. Servi bann sigzesyon ki ena dan lankadre “Kuma pu Prezant Bann Peryodik,” ek fer de demonstrasyon byin prepare lor manyer pu prezant bann peryodik—enn proklamater la servi La Tour de Garde 1 Desam ek lot la servi Réveillez-vous ! 8 Desam. Apre sa, montre ki prezantasyon kapav servi pu prezant liv Le plus grand homme uswa enn lot piblikasyon dan mwa Desam. Get dan L’index des publications de la Société Watch Tower, dan “Présentations” ek sutit ki omilye “Liste par publication.” Donn enn uswa de legzanp. Rapel sakenn pu pa ezite pu distribye trak Eski U Ti Pu Kontan Konn Plis lor Labib?

15 min: “Kot Sa Mo Kapav Truv Letan?” Diskur ek egzaminn lartik la avek lasistans. Azut bann pwin inportan ki ena dan La Tour de Garde 1 Oktob, 2000, paz 20-1, paragraf 9-10, anba sutit “Comment certains trouvent le temps d’étudier.” Invit lasistans pu sit bann mwayin pratik ki finn permet zot eliminn bann aktivite ki pa neseser pu zot truv letan pu bann kitsoz ki pli inportan. Montre ki li inportan ki tu dimunn program so letan pu so letid personel ek an fami, pu bann reynion kongregasyon, pu predikasyon, ek lektir Labib tulezur.

15 min: Bann Zenn Pe Donn Zeova Loner. Egzaminn sa size la avek lasistans. Dan laplipar kongregasyon ena buku zenn ki partisip dan predikasyon. Li bon ki zot fer sa, mem si pli suvan zot bizin donn temwaynaz ar bann adilt. (Psom 148:12, 13; Mat. 21:15,16) Kan bann paran ek bann lezot proklamater interes ar zot, donn zot enn formasyon ek lankurazman, bann zenn gayn buku lazwa dan predikasyon. Invit lasistans pu sit bann fason kuma kapav fer bann zenn partisip dan travay lakaz-lakaz ek dan bann vizit. Dir bann paran rakonte ki zot finn fer pu ed zot bann zanfan aprann prezant bann peryodik, servi Labib dan zot bann prezantasyon, ek koz avek lasirans devan laport bann dimunn. Atir latansyon lor bann bon rezilta ki gayne kan felisit bann zenn. Intervyue enn uswa de zenn proklamater, ek dir zot rakont lazwa ki zot gayne dan predikasyon ek kifer zot gayn sa lazwa la.

Kantik 198 ek lapriyer final.

Semenn Apartir 3 Desam

Kantik 179

5 min: Anons lokal.

20 min: “Nu Ena enn Nuvo Zuti pu Kumans Bann Letid!” Sirveyan servis egzaminn sa lartik la avek lasistans. Si nuvo trak Eski U Ti Pu Kontan Konn Plis lor Labib? disponib, fer bann manb servis lakey donn sak asistan enn kopi. Fer de demonstrasyon byin prepare baze lor bann sigzesyon ki ena dan lankadre “Kuma pu Prezant Bann Peryodik.” Enn proklamater prezant La Tour de Garde 15 Novam, ek lot la prezant Réveillez-vous ! 22 Novam. Dan tulede ka, alafin so konversasyon, proklamater la donn dimunn la trak Konn Labib— dan premye ka dimunn la pa finn aksepte nu bann peryodik, ek dan dezyem ka dimunn la finn aksepte. Ankuraz tu proklamater pu donn sa nuvo trak la ar ninport kisannla zot zwenn dan zot minister.

20 min: “Bann Benediksyon Ki Nu Gayne Kan Nu Montre Rekonesans pu Lamur Zeova—Premye Parti.”c Kan egzaminn paragraf 3-6, invit kongregasyon pu rakont bann fe ankurazan ki zot finn gayne dan predikasyon lakaz-lakaz, dan temwaynaz lor lari, dan vizit ek letid Labib.

Kantik 200 ek lapriyer final.

[Not anba paz]