Program Reynion Servis

Semenn Apartir 8 Oktob

Kantik 109

10 min: Anons lokal ki dan Nu Minister DiRwayom. Ankuraz zot tu pu get kaset video Unis grâce à l’enseignement divin, pu prepar zot pu lartik ki pu egzamine dan Reynion Servis, semenn le 22 Oktob. Servi sigzesyon paz 8, fer de demonstrasyon lor prezantasyon bann peryodik. Pu premye demonstrasyon servi La Tour de Garde 15 Oktob ek dan lot la servi Réveillez-Vous ! 22 Oktob.

35 min: “Eski U Pe Met an Pratik Seki U Finn Aprann dan Lasanble Distrik ‘Bann Anseynan Parol Bondye?’” Sa parti la pu fer par kondikter Letid La Tour de Garde, avek partisipasyon lasistans. Apre enn lintrodiksyon enn minit, akord 10-12 minit pu program sak zur. San rant dan bann detay, prezant bann pwin prinsipal ki ena anba sak sutit, ek lerla invit lasistans pu partisipe. Demann zot (1) kuma zot finn fer zefor pu met an pratik sa linstriksyon la, (2) ki profi zot finn gayne kan zot finn fer sa, ek (3) ki zot santi zot bizin fer ankor. Servi bann kestyon ki fer reflesi pu rann sa size la byin vivan. Ed zot tu pu konpran linportans pu servi seki zot finn aprann.

Kantik 151 ek lapriyer final.

Semenn Apartir 15 Oktob

Kantik 113

10 min: Anons lokal. Rapor kont.

15 min: Eski U Ena “enn Leker Obeisan”? (1 Ler. 3:9) Diskur par enn ansyin, baze lor La Tour de Garde 15 Zilyet 1998, paz 29-31. Egzaminn bann fason ki nu kapav montre lobeisans kan nu travay avek kongregasyon.

20 min: Servi Byin Bann Peryodik. Sirveyan servis ek frer ki responsab peryodik egzaminn ansam problem ki zot gayne an rapor avek distribisyon bann peryodik dan zot teritwar. Zot mansyonn kantite kopi ki kongregasyon resevwar sak mwa ek zot konpar sa sif la avek kantite ki finn plase. Li kler ki bann proklamater pe gard buku kopi kot zot, uswa zot pe zete. Kuma eski bann proklamater kapav servi bann peryodik pli byin? Bann frer egzaminn set pwin ki mansyone dan size “Ayons le réflexe périodiques” ki ti egzamine dan Reynion Servis, semenn le 4 Oktob, 1999. Zot reget legzanp ki site dan La Tour de Garde 15 Fevriye, 1998, paz 28-9, ek ansam zot get bann fason kuma zot kapav aplik sa bann sigzesyon la lor plan lokal. Ankuraz tu dimunn pu sey bann model prezantasyon ki paret tulemwa dan Nu Minister DiRwayom.

Kantik 156 ek lapriyer final.

Semenn Apartir 22 Oktob

Kantik 120

10 min: Anons lokal. Servi bann sigzesyon dan paz 8, fer de ti prezantasyon peryodik. Pu premye la servi La Tour de Garde 1 Novam ek pu lot la servi Réveillez-Vous ! 8 Novam.

10 min: Kuma Eski U Ti Pu Reponn? Egzaminn pu enn ti moman bann pwin ki ena dan liv Comment raisonner paz 399-400, kot finn reponn klerman sa kestyon la, “Comment Les Témoins de Jéhovah arrivent-ils à leur explication des Écritures ?” (Kuma eski bann Temwin Zeova arive donn zot lexplikasyon lor Labib? ) Fer enn demonstrasyon byin prepare pu montre kuma reponn sa kestyon la dan enn vizit, ek apre invit dimunn la avek buku santiman pu asiste bann reynion kongregasyon.

25 min: “Unis grâce à l’enseignement divin—Enn Regar lor Vre Linite Fraternel.” Partisipasyon avek lasistans. Servi premye paragraf pu kumanse ek servi dernye paragraf pu fini. Pu ki ena enn partisipasyon byin vivan lor sa kaset video la, poz sak kestyon ki finn inprime. Si ena dan kongregasyon finn gayn lokazyon asiste bann gran lasanble dan lezot peyi, fer zot partaz seki zot finn resanti kan pu premye fwa zot finn truv grander ek linite internasyonal nu lorganizasyon. Sinon, partaz detrwa lexperyans ki rakonte dan l’Annuaire 1994, paz 7-9, ek l’Annuaire 1995, paz 8-11. Dan mwa Desam nu pu get kaset video Jusqu’aux extrémités de la terre.

Kantik 47 ek lapriyer final.

Semenn Apartir 29 Oktob

Kantik 164

12 min: Anons lokal. Rapel bann proklamater pu remet zot rapor pu mwa Oktob. An Novam nu pu prezant brosir Ki Bondye Pe Demann Nu uswa Liv Konesans. Fer enn demonstrasyon lor sa ti prezantasyon la: “Dan sa lepok difisil kot tu kitsoz ser la, buku dimunn zot karay so kan ariv lafin dimwa. Eski u panse ki bann guvernman imin pu kapav regle sa problem la san ki zot fer favoritis? [Les dimunn la reponn.] Mo finn truv sa promes Labib la byin ankurazan.” Lir Psom 72:12-14. Apre sa prezant brosir Ki Bondye Pe Demann Nu uswa liv Konesans, ek an mem tan fer resorti enn lide dan sa piblikasyon la ki al byin ar seki u pe dir.

15 min: Bezwin lokal.

18 min: “Eski U Nuri U Byin lor Plan Spirityel?”a Invit lasistans pu fer lezot komanter lor La Tour de Garde 15 Avril, 1997, paz 28-31, pu explike kifer ek kuma nu bizin fer zefor pu nuri nu byin lor plan spirityel.

Kantik181 ek lapriyer final.

Semenn Apartir 5 Novam

Kantik 167

10 min: Anons lokal.

18 min: Prepar Bann Reynion An Fami. Enn papa egzaminn avek so fami kuma zot tu kapav prepar zot pu partisip byin dan bann reynion. Zot servi bann lide ki ena dan La Tour de Garde 1 Zilyet, 1999, paz 19-20, paragraf 9 pu prepar bann komanter ki zot pu done dan Letid La Tour de Garde sa semenn la. (1) Sak manb swazir enn uswa de kestyon ki li pu reponn. (2) Apre ki zot egzaminn bann paragraf kot zot pu reponn, zot donn zot repons dan zot prop mo. (3) Zot swazir bann pasaz Labib prinsipal, zot gete ki rapor zot ena avek size la, ek zot prepar seki zot pu dir pu aplik bann verse la ar letid. Zot tu inpasyan pu partisipe dan reynion.

17 min: “Avek Ki Lobzektif?”b Atir latansyon lor linportans pu ed bann etidyan pu konpran valer asiste bann reynion kongregasyon. Fer enn demonstrasyon byin prepare lor manyer pu fer sa, servi liv Konesans, sapit 7, paragraf 6-8.

Kantik 186 ek lapriyer final.

[Not anba paz]