Program Reynion Servis
Semenn Apartir 10 Septam
Kantik 86
10 min: Anons lokal ek Anons dan Nu Minister Rwayom.
13 min: Bezwin lokal.
22 min: “Eski U Pe Travay U Minister Afon?”a Apre ki finn fini egzaminn paragraf 1-3 avek lasistans, fer de ti demonstrasyon lor prezantasyon bann magazinn—dan premye la servi La Tour de Garde 15 Septam ek dan lot la, Réveillez-vous ! 22 Septam. Apre ki finn fini egzaminn paragraf 4, fer enn demonstrasyon avek liv Konesans lor prezantasyon ki finn sigzere.
Kantik 124 ek lapriyer final.
Semenn Apartir 17 Septam
Kantik 92
15 min: Anons lokal. Rapor kont. “Li dan L’Index.” Montre kuma pu truv bann prezantasyon pu sa mwa la pu prezant liv Vivre éternellement.
15 min: Ki Nu Finn Fer dan Lane Servis Pase? Diskur par sirveyan servis. Sit bann pwin remarkab dan rapor kongregasyon pu lane servis 2001. Felisit sakenn pu bon travay ki li finn fer. Atir latansyon lor seki kongregasyon finn fer an rapor avek lasistans reynion, partisipasyon regilye dan predikasyon, ek pu diriz bann letid Labib. Donn bann lide pratik pu amelyore. Fixe bann lobzektif rezonab pu prosin lane servis.
15 min: Kestyon Ki Suleve. Diskur. Reget program ki kongregasyon finn etabli pu bann reynion predikasyon ki pu ena dan lasemenn. Explike kuma tu seki asiste sa bann reynion la kapav byin partisipe pu ki tu proklamater tir profi. Ankuraz kongregasyon pu sutenir sa bann laranzman pu predikasyon la.
Kantik 129 ek lapriyer final.
Semenn Apartir 24 Septam
Kantik 97
15 min: Anons lokal. Servi bann lide ki ena dan lartik “Ki Bizin Dir Lor Bann Magazinn,” fer de demonstrasyon byin prepare lor prezantasyon magazinn—dan premye la servi La Tour de Garde 1 Oktob ek dan lot la, Réveillez-vous! 8 Oktob.
30 min: Kontan Bondye—Pa bann Kitsoz Ki dan Lemond. (1 Zan 2:15-17) Diskur avek partisipasyon lasistans, reget program lasanble sirkonskripsyon ki nu finn fini gayne dan lane servis pase. Invit bann proklamater pu koz lor bann pwin inportan ki zot finn aprann ek pu explike kuma, personelman uswa an fami, zot finn kapav met sa bann pwin la an pratik. (Kapav swazir sertin proklamater an avans pu fer zot partisipe.) Atir latansyon lor sa bann size la: (1) “Lamur pu Bondye Motiv Nu dan Nu Minister.” Sa kalite lamur la ed nu pu fer fas ar bann lide negatif ki kapav blok nu predikasyon—timidite, santiman ki nu pena kapasite, lakrint dimunn. (2) “Bann ki Kontan Zeova Ayir Seki Move.” (wF 99 1/10 28-31) Nu relasyon avek Zeova depann lor nu laenn pu bann kitsoz ki Li ayir—pa zis bann kitsoz ki kan nu gete nu truve zot move, me usi bann kitsoz move ki pli anba-anba. (3) “Anu Swiv Lamur Ki enn Simin Extraordiner.” (wF 92 15/7 27-30) Premye Korintyin 13:4-8 montre nu kifer avek pasyans nu siport bann linperfeksyon lezot, nu evit vinn egois ek ena lespri konpetisyon, nu pa fer palab, ek nu res fidel avek lorganizasyon. (4) “Bann Kitsoz dan Lemond—Kuma Eski Nu Konsider Zot?” Fode pa nu kontan bann kitsoz ki dan lemond, ni nu les nu tom dan bann dezir laser, ni nu les bann dezir lizye anbet nu, ni nu fer letalaz bann kitsoz ki nu ena. (5) “Pa Fer Parti dan Lemond, Li enn Proteksyon pu Nu.” Dezyem Korintyin 6:14-17 montre kuma sertin krwayans, kutim, ek pratik kapav fer nu perdi faver Bondye. Nu bizin servi nu lespri pu dekuver bann pyez ki Dyab Instale ek fer zefor pu pa rant ladan. (6) “Bann Promes Ki Bondye Fer ar Seki Kontan Li.” (wF 86 15/6 5-6) Bann benediksyon Zeova azut plezir dan nu lavi ek zot fer nu vinn ris lor plan spirityel.—1 Tim. 6:17-19.
Kantik 133 ek Lapriyer final.
Semenn Apartir 1 Oktob
Kantik 106
10 min: Anons lokal. Rapel bann proklamater pu remet zot rapor servis mwa Septam. Rapel usi dat Lasanble Spesyal enn Zur.
15 min: Kuma Eski Mo Kapav Travay Pli Byin Dan Lekol? Enn ansyin ek so madam uswa enn serviter ministeryel ek so madam koz avek zot zanfan ki al lekol. Zot trakase parski nivo zanfan la byin ba dan lekol. Zot reget konsey ki ena dan liv Les jeunes s’interrogent, sapit 18 ek zot egzaminn ansam seki zanfan la bizin fer pu amelyore. Bann paran la fer byin konpran linportans pu enn zanfan gayn enn bon baz dan ledikasyon pu li kapav servi so ful kapasite dan servis sakre.
20 min: “Eski Ena enn Baryer Ki Anpes U Prese?”b Montre byin ki li inportan ena lekilib dan travay ek fixe bann priyorite ki met bann lintere Rwayom an premye. Invit detrwa sef fami dan kongregasyon pu rakonte kuma zot fer zefor pu donn zot fami seki zot bizin lor plan materyel san ki zot sakrifye zot bann bezwin spirityel.
Kantik 137 ek lapriyer final.
[Not anba paz]
a Lintrodiksyon mwins ki enn minit, ek apre sa, egzaminn lartik par kestyon ek repons.
b Lintrodiksyon mwins ki enn minit, ek apre sa, egzaminn lartik par kestyon ek repons.