Program Reynion Servis
Not: Dan Nu Minister Rwayom mwa Ut, pu ena program Reynion Servis pu sak semenn, parey kuma lezot mwa. Me, bann kongregasyon kapav fer bann sanzman neseser an rapor avek Lasanble Distrik “Bann Anseynan Parol Bondye.” Enn semenn avan lasanble, kapav rezerv 15 minit dan Reynion Servis pu rapel bann konsey ki ena dan sipleman Nu Minister Rwayom sa mwa la. Pu semenn apartir 13 Ut, Reynion Servis pu baze net lor revizyon bann pwin inportan ki finn egzamine dan lasanble. Pu nu kapav byin prepar nu pu sa parti la, nu tu kapav pran not bann pwin inportan dan lasanble, ek bann lide ki nu anvi met an pratik personelman dan nu lavi ek dan nu minister. Kumsa, nu kapav prepar nu pu explike kuma nu finn aplik bann sigzesyon ki nu finn gayne depi ki nu finn asiste lasanble. Li pu vremem ankurazan pu tann sakenn rakonte kuma nu finn byin profit bann bon linstriksyon ki nu finn gayne.
Semenn Apartir 14 Me
Kantik 3
10 min: Anons lokal ek bann anons ki ena dan Nu Minister Rwayom. Egzaminn not ki ena lao konsernan bann sanzman dan Reynion Servis pandan mwa Ut ek usi konsernan semenn kan pu fer revizyon bann pwin inportan ki finn egzamine dan Lasanble Distrik. Rapel kongregasyon ki sa samdi la, samdi 19 Me, li zurne spesyal pu plas bann magazinn.
15 min: “Bann Lasanble—Enn Moman pu Rezwir!” Diskur par enn ansyin. Explike kifer lontan lepep Zeova ti pe rasanble ek kifer sa bann kalite rasanbleman la tuzur profitab zordi.
20 min: “Organize ‘Byin ek dan Lord.’”a Dekrir bann lezot dispozisyon ki bizin pran pu organiz enn lasanble. Montre ki li inportan nu korper avek bann dispozisyon ki finn pran pu nu profi. Mansyonn bann fason kuma nu tu kapav montre respe ki bizin ek evit gayn bann problem pu nanyin.
Kantik 31 ek lapriyer final.
Semenn Apartir 21 Me
Kantik 52
10 min: Anons lokal. Rapor kont.
20 min: “Ekute ek Gayn Plis Linstriksyon.” Diskur ek egzaminn lartik la avek lasistans. Explike kifer linstriksyon ki nu gayne dan lasanble li enn nuritir spirityel ki nu bizin. Dir ki kantite zefor ek letan finn bizin pu prepar sa program la. Invit bann asistan pu dir seki sakenn parmi nu kapav fer pu tir plis profi ek pu fer lezot usi byin profite. Donn bann rezon kifer nu bizin dan nu plas kan sak sesyon lasanble pe kumanse.
15 min: “Azir Byin ek Gayn Loner!”b Explike kifer kan nu asiste enn gran lasanble nu atir plis latansyon lezot. Kan bann obzervater fer bann bon komanter lor nu, sa rann enn bon temwaynaz, me bann kritik pa atir bann dimunn. Sit bann kitsoz presi ki nu bizin fer pu montre ki nu ena bann kalite Kretyin ek ki nu interese ar lezot.
Kantik 105 ek lapriyer final.
Semenn Apartir 28 Me
Kantik 58
10 min: Anons lokal. Rapel bann proklamater pu remet zot rapor servis pu mwa Me. Egzaminn “Kestyon Ki Suleve.”
18 min: Bezwin lokal.
17 min: “Parol Bondye . . . Ena Puvwar.”c Fer de demonstrasyon byin prepare ki montre kuma bann prezantasyon sinp kapav atir latansyon bann dimunn lor Parol Bondye.
Kantik 79 ek lapriyer final.
Semenn Apartir 4 Zin
Kantik 100
12 min: Anons lokal ek rakont detrwa fe predikasyon.
15 min: “Partisip Net dan Rekolt.”d Kan pe egzaminn paragraf 4, sit legzanp ki mansyone dan La Tour de Garde, 15 Septam 1996, paz 19, paragraf 10, ki montre seki sertin pe fer pu fer plis dan zot minister.
18 min: “Nu Finn Travay Nu Teritwar Plizir Fwa!”e Diskur fer par sirveyan servis. (Bann kongregasyon ki pa dan sa sityasyon la kapav egzaminn plito lartik “Bann Magazinn ki Anons Rwayom,” ki truv dan Nu Minister Rwayom Avril 1998.) Dir seki kapav fer pu travay bann teritwar afon. Rakont bann lexperyans ki ena dan Annuaire 1997, paz 204 ek dan La Tour de Garde 15 Fevriye1996, paz 26. Montre linportans pu servi bann not lakaz-lakaz pu pran not bann absan ek bann vizit.
Kantik 142 ek lapriyer final.
[Not anba paz]
a Lintrodiksyon mwins ki enn minit, ek apre sa, egzaminn lartik par kestyon ek repons.
b Lintrodiksyon mwins ki enn minit, ek apre sa, egzaminn lartik par kestyon ek repons.
c Lintrodiksyon mwins ki enn minit, ek apre sa, egzaminn lartik par kestyon ek repons.
d Lintrodiksyon mwins ki enn minit, ek apre sa, egzaminn lartik par kestyon ek repons.
e Lintrodiksyon mwins ki enn minit, ek apre sa, egzaminn lartik par kestyon ek repons.