BANN LARTIK LETID

Sa lartik-la pou examinn sertin rezon kifer boukou dimounn krwar ki bann Temwin Jéhovah dan laverite. Nou pou examinn osi kifer bann Temwin zotmem zot sir ki zot dan laverite.

Nou tou nou gagn bann difikilte parski nou pe viv dan lemond Satan. Sertin leprev zot kouma bann latak direk ki kapav afekte nou lafwa. Lezot leprev zot bann latak indirek. Sa lartik-la pou ed nou trouve kouma Satan esey afebli nou lafwa ek kouma nou kapav prepar nou pou fer fas ar so bann latak.

Bann paran ena responsabilite pou elve zot zanfan “dan disiplinn ek dan lavertisman Jéhovah.” (Éph. 6:4) Sa lartik-la examinn trwa fason kouma bann paran kapav pran swin zot bann zanfan ek ed zot pou kontan Jéhovah.

Lamor ek tou seki ena enn lien avek lamor fer bann dimounn bien soufer. Kifer bann dimounn mor? Kouma eski “nou dernie lennmi, lamor, pou disparet net”? (1 Cor. 15:26) Repons sa bann kestion-la montre lazistis Jéhovah, so sazes, ek sirtou so lamour.

Dan lepase ek dan nou lepok, boukou serviter Jéhovah finn servi Li aplintan malgre bann difikilte. Ki nou kapav fer pou “rapel seki zot fer avek fidelite, ek travay dir ki zot fer par amour”?​—1 Thess. 1:3.