2^eme Secret

KI LA BIBLE ENSEIGNÉ? “Faire to travail bien, ek lerla to pou ena enn raison pou to fiere. Mais pa compare-toi ar lezot.”—Galates 6:4, Contemporary English Version.

KIFER LI DIFFICILE? Nou ena tendance pou compare-nou ar lezot—ena fois avek bann dimoune ki ena pli tigit ki nou, souvent avek bann ki pli fort, ki pli riche, ou-soit ki ena plus capacité ki nou. Dan toulé-deux cas, li pa bon. Nou faire erreur kan nou pensé ki valeur enn dimoune basé lor seki li ena ou-soit seki li kapav faire. Nou kapav aussi commence envié lezot ek ena enn l’esprit competition.—Ecclésiaste 4:4.

KI OU KAPAV FAIRE? Essaye trouve ou-mem pareil couma Bondié trouve ou. Laisse so fason pensée influence l’opinion ki ou ena lor ou prop valeur. “Enn dimoune li, li trouve zis seki parette devant so lizié; mais Jéhovaha Li, Li trouve seki ena dan leker.” (1 Samuel 16:7) Jéhovah juge ou valeur, pa kan Li compare-ou avek certain dimoune, mais kan Li lire dan ou leker, Li examine ou bann pensée, ou bann sentiment, ek ou bann l’intention. (Hébreux 4:12, 13) Jéhovah comprend ou bann limite ek Li envie ki ou aussi ou conscient ki ou ena sa bann limite-la. Si ou juge ou valeur kan ou compare-ou avek lezot, soit ou pou vinn orgueilleux soit jamais ou pou satisfait. Alors reconette ou limite, accepté ki ou pa pou extra bon dan tou seki ou decide pou faire.—Proverbes 11:2.

Ki kitsoz precis ou bizin faire pou ena valeur devant lizié Bondié? Li ti inspire prophete Mika pou ecrire: “Li finn dire toi, dimoune ki’nn faire ar la poussiere, ki kitsoz ki bon. Ek ki Jéhovah pé demann toi, sinon pou pratik la justice, pou content la bonté, ek pou marche avek to Bondié dan enn fason modeste?” (Mika 6:8) Si ou suive sa conseil-la, Bondié pou prend ou soin. (1 Pierre 5:6, 7) Ki pli grand raison pou ena satisfaction nou ena, a part sa?

[Note]

[Zimage page 5]

Jéhovah juge nou valeur dapré seki ena dan nou leker