Introdiksion

Bann dimounn pa vremem ena respe pou lezot azordi. Alor kan enn kikenn montre respe, sa etonn lezot.

Par exanp, boukou dimounn pa vremem ena konsiderasion pou lezot, pou zot paran, pou bann ki aze ek mem pou bann ki ena lotorite kouma lapolis, zot patron ek zot profeser. Anplis lor bann rezo sosial, pli ale bann dimounn pe met bann komanter ki montre ki zot pena respe pou lezot! Dapre enn lartik dan magazinn Harvard Business Review, pli ale bann dimounn pe plis mank manier. Sa magazinn-la dir osi ki bann dimounn pe raport pli boukou ka kot dimounn nepli ena respe pou lezot.