Rezo Sosio ek Bann Zenn: Enn Problem Mondial

Pandan lane 2025,  bann gouvernman dan lemond an-antie inn dir ki zot trakase akoz lefe ki bann rezo sosio ena lor bann zenn. Enn pei inn mem interdi bann ki ena mwins ki 16 an pou servi bann rezo sosio, ek ena lezot pei ki pe rod fer parey zot osi.

Seki interesan, mem bann zenn rekonet danze ki ena kan servi bann rezo sosio. Dapre enn survey ki’nn fer par Pew Research Center, dan Lamerik ek ki’nn sorti an Avril 2025, li dir ki “apepre 48% bann zenn dir [ki bann rezo sosio] ena enn lefe negatif lor bann zenn ki dan zot laz.”

Bann exper lasante inn averti bann dimounn kont lefe ki bann rezo sosio ena lor lasante mantal bann zenn. Lane dernie, Dr. Vivek Murthy, reprezantan minister lasante dan Lamerik, ti dir: “Bann problem lasante mantal parmi bann zenn, se enn kitsoz bien inportan ek ki bizin regle vit. Bann rezo sosio zot enn parmi bann rezon inportan kifer sa pe arive.”

Kouma bann paran kapav protez zot zanfan kont bann danze ki ena lor bann rezo sosio? Labib donn bann konsey pratik ki kapav ede.

Seki bann paran kapav fer

Anou get sa bann prinsip Labib la.

“Enn dimounn ki ena enn bon zizman reflesi bien lor sak pa ki li fer.”—Proverb 14:15.

Bann rezo sosio kapav ena enn linflians negatif lor to zanfan. Alor, pa panse ki to oblize les zot servi sa. Avan ki to donn to zanfan permision pou servi bann rezo sosio, fer sir ki li ena ase matirite pou ki li respekte to bann reg konsernan ki kantite letan li kapav pase lor la, ena bann bon kamarad, ek rezet bann move kitsoz ki ena lor bann rezo sosio

• Pou aprann plis, lir bann lartik “lartik « Mon enfant devrait-il utiliser les réseaux sociaux ? » ek « Protégez votre adolescent des dangers des réseaux sociaux ».

“Servi zot letan dan meyer fason posib.”—Efezien 5:16.

Si to les to zanfan servi bann rezo sosio, fixe bann reg lor kouma li pou servi zot ek explik li kouma sa bann reg-la pou protez li. Obzerv bien bann sanzman dan so konportman. Sa kapav ed twa pou kone si to bizin fixe bann limit lor kantite letan ki li pase lor bann rezo sosio.

• Servi Ti-komik lor Tablo Fer Atansion lor Bann Rezo Sosio pou ed to zanfan konpran kifer li inportan pou fixe bann limit kan li pe servi bann rezo sosio.

Ou pou gagn bann lezot konsey ki baze dan Labib, dan lartik « Une autorité médicale alerte contre les dangers des réseaux sociaux pour les jeunes : qu’en dit la Bible ? »

Aprann plis

Labib dir ki nou pe viv dan “bann lepok kritik, difisil pou siporte.” (2 Timote 3:1-5) Anmemtan, li donn nou bann konsey pratik ki pou ed nou fer fas ar sa. Ena plis ki 20 lartik ki baze lor Labib pou bann paran ek bann zanfan dan lartik “Bann Adolesan Pe Gagn Pli Boukou Problem Lasante Mantal—Ki Labib Dir lor La?”