Zozwe

2 Lerla, Zozwe garson Nounn finn avoy an sekre depi Sitim de zom kouma espion. Li dir zot: “Ale, examinn pei-la ek Zeriko.” Lerla zot inn ale, ek zot finn ariv dan lakaz enn fam prostitie ki ti apel Raab, ek zot ti res laba. 4 Sa madam-la ti pran sa de zom-la ek ti kasiet zot... 9 Ek li finn kontign dir bann zom-la: “Mo kone ki Zeova pou donn zot sa pei-la, ek nou finn koumans per zot, ek tou bann abitan pei finn dekouraze akoz zot. 10 Parski nou finn tande dan ki fason Zeova finn fer delo Lamer Rouz sek devan zot kan zot ti sorti dan Lezip ek seki zot ti fer ar de lerwa Amorit lot kote Zourdin, setadir Sihonn ek Og, ki zot finn detrir. 11 Kan nou finn aprann sa, nou leker finn koumans fonn, ek akoz zot, personn parmi nou pa finn kapav leve, parski Zeova, zot Bondie, Limem Bondie lao dan lesiel, ek anba lor later.