Zozwe

1 Ek finn arive ki apre lamor Moiz serviter Zeova ki Zeova ti dir Zozwe garson Noun, minis Moiz: 2 “Mo serviter Moiz inn mor. Asterla, leve, travers Zourdin, twa ek tou sa pep-la, ek rant dan pei ki mo pou donn zot, bann garson Izrael. 5 Personn pa pou tini devan twa tout long to lavi. Parey kouma mo ti avek Moiz, mo pou avek twa. Mo pa pou kit twa ni mo pou abandonn twa... 6 Pran kouraz ek vinn for, parski se gras-a twa ki sa pep-la pou erit sa pei ki mo finn fer serman pou donn zot bann anset. 7 “Selman, pran kouraz ek res bien for pou to kapav fer dapre tou seki ena dan lalwa ki Moiz mo serviter finn donn twa lord pou fer. Pa detourn twa ar sa lalwa-la ni dan gos ni dan drwat, pou ki to kapav azir avek sazes ninport kotsa to pou ale. 8 Fode pa ki sa liv Lalwa la res lwin ar to labous, ek to bizin lir li dousman lanwit-lizour, pou ki to swiv bien tou seki finn ekrir ladan; parski lerla to pou reisi dan seki to fer ek lerla to pou azir avek sazes. 9 Eski mo pa finn donn twa lord? Pran kouraz ek vinn for. Pa tranble ek pa per, parski Zeova to Bondie avek twa partou kot to pou ale.” 11 “...‘Prepar bann provizion pou zotmem, parski dan trwa zour zot pou travers sa larivier Zourdin la pou rantre, ek pran pei ki Zeova, zot Bondie pe donn zot, pou zot pran posesion.’” 16 Zot ti dir Zozwe: “Nou pou fer tou seki to’nn donn nou lord pou fer, ek nou pou al ninport kotsa to avoy nou.” 18 ...pran kouraz ek vinn for.”