Proverb

25 Sa osi se bann proverb Salomon, ki bann zom Ezekias, lerwa Zida ti kopie: 2 Bondie gagn laglwar kan li gard enn kitsoz sekre, Ek bann lerwa gagn laglwar kan zot al rod linformasion lor enn kitsoz. 9 Regle to problem ar to prosin, me pa fer konn bann kitsoz konfidansiel ki enn dimounn inn dir twa, 11 Enn parol ki dir dan bon moman, li parey kouma bann pom an-or lor enn plato an-arzan. 15 Avek pasians, kapav konvink enn komandan, ek bann parol dous kapav mem kas enn lezo. 21 Si to lennmi fin, donn li dipin pou manze; si li swaf, donn li delo pou bwar, 22 parski se bann labrez ki to pe ranpli lor so latet, ek Zeova pou rekonpans twa. 23 Divan ki sorti lenor amenn gro lapli, ek lalang ki fer palab fer lezot ankoler. 24 Vomie res dan enn kwin lao lor lakaz, ki res dan mem lakaz avek enn fam ki kontan lager. 27 Pa bon manz tro boukou dimiel, ek li pa bon ki enn dimounn rod so prop laglwar. 28 Parey kouma enn lavil ki’nn defonse ek ki pena miray, koumsa mem enn dimounn ki pa kontrol so koler ete.