Proverb

10 Bann proverb Salomon. Enn garson saz fer enn papa kontan, ek enn garson bet fer so mama sagrin. 3 Zeova pa pou les enn dimounn zis mor-de-fin, me Li pou rezet dezir bann move dimounn ki anvi gagn boukou kitsoz. 4 Bann lame ki pares fer dimounn vinn pov, Me bann lame ki travay dir fer dimounn vinn ris. 6 Bann benediksion zot lor latet enn dimounn ki zis, me labous bann move dimounn kouver laviolans. 7 Repitasion enn dimounn drwat merit benediksion, me nom bann dimounn move pou pouri. 8 Enn dimounn ki ena sazes dan leker pou aksepte bann instriksion, me enn dimounn ki koz ninport pou soufer. 10 Enn kikenn ki pez lizie pou anbet lezot fer lezot soufer, ek enn dimounn ki koz ninport pou soufer. 12 Laenn, samem ki exsit bann dezakor, me lamour kouver tou bann erer. 19 Kan enn kikenn koz boukou, li pou fer erer, me enn kikenn ki fer atansion, li kontrol so labous. 21 Bann parol ki sorti dan labous enn kikenn ki drwat, li nouri boukou dimounn. 22 Se benediksion Zeova ki fer enn kikenn vinn ris, ek Li pa azout okenn douler avek sa. 27 Enn dimounn ki ena lakrint pou Zeova pou viv lontan, me enn move dimounn pou mor boner. 28 Lespwar bann dimounn zis amenn lazwa, me lespwar bann move dimounn pou fini net. 29 Sime Zeova li enn sitadel pou enn dimounn ki san repros, me li vedir destriksion pou bann ki fer seki pa bon.