Neemi
8 ... lor laplas piblik ki devan Laport Delo, ... 2 Alor, lor premie zour dan setiem mwa, pret Ezra ti amenn Lalwa devan lasanble kot ti ena bann zom, bann fam, ek tou bann ki ti pou konpran seki zot ti pou tande. 3 Ek li ti anfas laplas piblik devan Laport Delo, depi boner gramatin ziska midi, pou lir liv-la for ar bann zom, bann fam, ek tou bann ki ti pou konpran; ek bann dimounn ti ekout bien seki ti pe lir dan liv Lalwa. 7 ... ti pe explik lepep lalwa, ... 8 Zot ti kontign lir liv Lalwa vre Bondie for-for. Zot ti explik li dan enn fason bien kler ek ti fer konpran seki li vedir; se koumsa ki zot ti ed lepep pou konpran seki ti pe lir. 9 Lerla, Neemi, ki ti gouverner sa lepok-la, Esdras, ki ti enn pret ek enn exper lalwa, ek bann Levit ki ti pe ansegn lepep, ti dir ar tou dimounn: “Sa zour-la li sakre pou Zeova zot Bondie. Fode pa ki zot dan lapenn ek ki zot plore.” Parski lepep ti pe plore kan zot ti tann seki ti ena dan Lalwa. 10 Ek li ti dir zot: “Ale, al manz bann manze gra ek bwar bann kitsoz dou, ek avoy bann porsion manze pou bann ki pena nanye ki’nn prepare pou zot; parski zordi, se enn zour sin pou nou Segner; pa bizin zot tris, parski lazwa Zeova li zot fortres.” 11 Ek bann Levit ti pe kalme zot tou. Zot ti pe dir: “Res trankil! parski sa zour-la li enn zour sakre. Pa bizin zot tris.” 12 Alor, tou lepep ti ale pou manze ek bwar, pou avoy bann porsion manze ek koumsa, zot ti pou kapav dan enn gran lazwa, parski zot ti konpran bann parol ki ti fer zot kone. 17 ... ki ti ena enn lazwa extraordiner. 18 Ek toulezour, ti pe lir liv Lalwa vre Bondie bien for, depi premie zour ziska dernie zour. Ek zot ti selebre sa fet-la pandan set zour, ek witiem zour ti ena enn rasanbleman spesial, dapre lord ki zot ti gagne.