Neemi

1 Ala bann parol Neemi, garson Akalia: Dan mwa Kislev, dan 20em lane, mo ti dan sitadel Siz. 2 Sa lepok-la, Anani, enn parmi mo bann frer, ti vini avek bann lezot zom ki sorti Zida. Ek mo ti demann zot nouvel Zerizalem ek bann Zwif ki ti libere. 3 Zot ti dir mwa: “Bann ki res dan sa distrikt-la ek ki’nn libere, zot dan enn sitiasion bien difisil ek pe viv dan laont. Bann miray Zerizalem inn kraze ek so bann laport finn brile.” 4 Kouma mo’nn tann sa bann parol-la, mo’nn asize ek mo’nn koumans plore. Pandan plizir zour, mo ti an-dey, mo ti gard karem ek mo ti pe priye Bondie lesiel. 5 Mo ti dir: “A! Zeova, Bondie ki dirize depi lesiel, Bondie ki gran ek inpresionan, ki respekte lalians ki Li fer ek montre so lamour fidel anver bann ki kontan Li ek obeir so bann komannman, 10 Zot to bann serviter ek to pep ki to finn re-aste par to gran pwisans ek par to lame for. 11 A! Zeova, silteple, ki to zorey ekout lapriyer to serviter ek lapriyer to bann serviter ki to kontan pou ena lakrint pou to nom; silteple, fer to serviter reisi zordi ek fer sa misie-la ena pitie pou li.” ...