2 Kronik

7 Alor, kouma Salomon inn fini priye, dife ti sorti dan lesiel ek ti bril sakrifis ki bril net ek bann lezot sakrifis, ek laglwar Zeova inn ranpli lakaz-la. 2 Bann pret pa ti kapav rant dan lakaz Zeova, parski lakaz-la ti ranpli ar laglwar Zeova. 3 Zot tou dan pep Izrael ti trouv dife desann ek laglwar Zeova ti lor lakaz-la. Ek zot ti tom azenou, zot figir anba ek zot ti remersie Zeova, “parski li bon ek so lamour fidel li dire pou touletan.” 10 Lerla, 23em zour dan setiem mwa, li ti demann tou dimounn pou retourn kot zot dan lazwa ek zot leker ti zwaye pou tou bann bon kitsoz ki Zeova ti fer pou David, pou Salomon, ek pou so pep Izrael. 14 si mo pep ki port mo nom imilie li, priye, li rod mwa ek li abandonn so bann move aksion, lerla, mo pou tann li depi lesiel ek mo pou pardonn so pese ek geri so pei. 15 Aster-la, mo pou get zot ek mo pou ekout bien bann lapriyer ki zot fer dan sa plas-la. 16 Aster-la mo’nn swazir sa lakaz-la ek mo’nn fer li vinn sakre pou ki mo nom res ladan pou touletan. Mo pou touletan vey lor li ek pran li swin.