2 Kronik

14 ek li ti dir: A! Zeova Bondie Izrael, pena okenn Bondie kouma twa dan lesiel ni lor later. To montre lamour fidel anver to bann serviter ki pe mars devan twa avek tou zot leker ek to respekte lalians ki to’nn fer ar zot. 29 ninport ki lapriyer, ninport ki faver ki enn dimounn ouswa ki tou to pep Izrael demande (parski sakenn konn so prop lapenn ek so prop douler) kan zot pou lev zot lame ver sa lakaz-la, 30 silteple, ekout zot depi lesiel, plas kot to reste, ek pardonn zot; ek rekonpans sakenn dapre fason ki li’nn azir, parski to konn zot leker (zis to tousel ki konn leker bann imin), 31 pou ki lerla zot ena enn gran respe pou twa, ek zot mars dan to bann semin toulezour ki zot vivan lor sa later ki to finn donn nou bann gran dimounn la. 32 “Osi, konsernan sa etranze ki pa form parti parmi to pep Izrael la, ki sorti dan enn pei bien lwin akoz to gran nom ek to lame pwisan ek pouvwar to lebra, ek ki vinn priye dan direksion sa lakaz-la, 33 ki to ekout li depi lesiel, landrwa kot to reste, ek fer tou seki sa etranze-la demann twa dan so lapriyer. Koumsa, tou bann pep lor later kapav konn to nom ek ena enn gran respe pou twa, parey kouma to pep Izrael. Ek lerla, zot pou kone ki sa lakaz ki mo’nn konstrir la, li glorifie to nom.” 36 “Si zot fer pese kont twa (parski pena okenn dimounn ki pa fer pese), ek to ankoler ar zot ek to abandonn zot avek zot lennmi, ek zot vinn bann prizonie dan enn pei, ki lwin ouswa pre,