2 Kronik
26 Alor, tou dimounn dan Zida ti fer Ozias vinn lerwa dan plas so papa, Amazia. Sa lepok-la, Ozias ti ena 16 an. 2 Li ti rekonstrir lavil Elat ek li ti redonn li Zida apre ki lerwa ti dormi dan lamor avek so bann anset. 3 Ozias ti ena 16 an kan li ti vinn lerwa ek li’nn regne pandan 52 an dan Zerizalem. So mama ti apel Zekolia ek ti sorti Zerizalem. 4 Li ti kontign fer seki drwat devan lizie Zeova, parey kouma so papa Amazia ti fer. 5 Ek li ti kontign rod Bondie dan lepok Zakari, ki ti ansegn li pou ena enn gran respe pou vre Bondie. Pandan ki li ti pe rod Zeova, vre Bondie ti fer li prospere. 16 Me, deswit kouma li ti vinn for, so leker ti ranpli ar lorgey ziska ki sa inn fini li net, ek li ti azir dan enn fason infidel anver so Bondie, Zeova, ek li ti rant dan tanp Zeova pou bril lansan lor lotel lansan. 17 Deswit pret Azarya ek 80 lezot pret Zeova ti rant deryer li. 18 Zot ti lev kont Ozias ek ti dir li: “Li pa bon ki twa, Ozias, to bril lansan pou Zeova! Se zis bann pret ki bizin bril lansan, parski zot bann desandan Aaron, bann ki’nn sanktifie. Sorti dan tanp, parski to pa finn montre twa fidel, ek Zeova pa pou donn twa okenn laglwar pou sa.” 19 Me Ozias so koler ti mont dan bout so nene, alor ki dan so lame ti ena resipian pou bril lansan. Ek pandan ki li ti pe ankoler kont bann pret, lalep koumans paret lor so fron, devan bann pret pre kot lotel lansan dan lakaz Zeova. 20 Kan sef pret Azarya ek tou bann pret ti tourn ver Lerwa Ozias, zot ti trouve ki li ti gagn lalep lor so fron! Alor zot degaze zot tir li laba, ek limem li ti sorti bien vit, parski Zeova ti fer li gagn lalep. 21 Lerwa Ozias ti res avek sa lalep-la ziska so lamor, ek li ti kontign res dan enn lakaz separe akoz li ti ena lalep, ek parski ti met li deor dan lakaz Zeova. So garson Zotam ti an-sarz lakaz lerwa, ek ti pe ziz pep dan sa pei-la.