Manaeni Naathingatĩĩrĩre Mantũ ja Gĩkĩrundu Ũtũũrone Bwawe

Manaeni aarĩ ũmwe wa ataana ba baaba barĩa baatongagĩĩria karine ya mbere kĩũthũranone kĩa Antiokia. Nĩbaathomaga amwe na ‘Herode ũrĩa waarĩ mũnene.’ (Atum 13:1) Kwou, naathomi mono na kwombĩka naaumĩte nja yaarĩ na ũtonga mono.

Kinya kethĩra naarereri gũntũ ta kũu, naathuurĩre gũtumĩkĩra Jehova na kwigĩka kĩũthũrano kĩawe. Atatumĩĩre kĩthomo kĩrĩa arĩ nakĩo kwiguna wengwa. Mwanya nou, naaritĩre ngũgĩ na wĩru nĩkenda atethia ataana na aarĩ ba baaba.

Ngerekano ya Manaeni ĩrĩonania atĩ gũtumĩkĩra Jehova, nĩbu ũntũ bwa gĩtũmi nkũrũki ya kũthingatĩĩra mbeca kana kwĩthĩrwa na ĩgweta nthĩgũrũne ĩjĩ. O ta Manaeni, kinya tuĩ tũbuĩrĩte kũthingatĩĩra mantũ ja gĩkĩrundu, antũ a mantũ ja nthĩgũrũ. (Mat. 6:33) Kinya kethĩra nĩtwendete kĩthomo, nĩtũciũmagia kũthingatĩĩra ‘mantũ’ ja gĩtũmi na tũtĩtĩkagĩĩria ũntũ kinya bũrĩkũ bũgiitaria ũthathayia bwetũ kĩrĩ Jehova.—Afl. 1:9, 10.