Ĩrĩgĩĩra Inya ya Jehova ya Kwonokania

Thoma Gutara 13:25–14:4 wone ũrĩa Aisiraeli baaregere kwĩrĩgĩĩra Jehova.

Cũnkũũna jarĩa jakwarĩĩrua. Nĩmbi birĩngĩtethia Aisiraeli gwĩtĩkia atĩ Jehova agatumĩra inya yaawe kũbonokia rĩrĩa baaumĩĩte Misiri? (Zb. 78:12-16, 43-53) Nĩmbi biatũmĩre batiga kwĩrĩgĩĩra Jehova? (Kur. 1:26-28) Nĩatĩa Joshua na Kalebu boonanĩrie nĩbeerĩgagĩĩra Jehova?—Gut. 14:6-9.

Ĩnja nkũrũki. Nĩatĩa Aisiraeli baabuĩrĩte kũthithia nĩkenda beeta na mbere kwĩrĩgĩĩra Jehova nkũrũki? (Zb. 9:10; 22:4; 78:11) Kũrĩ na ngwatanĩro ĩrĩkũ gatĩgatĩ ga kwĩrĩgĩĩra Jehova na kũmũtĩĩa?—Gut. 14:11.

Ona jarĩa ũkwiritana. Ciũrie:

• ‘Nĩ mantũ jarĩkũ jomba gũtũma ntĩkerĩgĩĩre Jehova buru?’

• ‘Nĩatĩa mpũmba kũthithia nĩkenda mbĩrĩgĩĩra Jehova nkũrũki nandĩ na kinya ĩgiita rĩĩjĩte?’

• ‘Rĩ, nĩ ũntũ bũrĩkũ ndĩ na ũmma nabu thĩĩna ĩrĩa nene yambĩrĩria?’— Luk. 21:25-28.