Mal Nia Inhriatna Neite An Pung Zêl—Engtia Chinfel Theih Nge?

• “U.S.A. rama puitlingte zînga a zât ve deuh thaw chuan mal nia inhriatna an nei a, a bîk takin ṭhalai puitling deuh tawhte zîngah a ni lehzual.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[World Health Organization] chuan mal nia inhriatna chu hrisêlna tiderthawngtu ber anga zir bingna kalpuitu pâwl pakhat a din a, chu pâwl chuan mite chu mi dangte nêna inlaichînna ṭha nei tûrin leh ram rethei tak takte pawh tiamin, ram hrang hranga mal nia inhriatna neite chu ṭha lehzuala cheibâwl dân kawng zawng hmu tûrin hna a thawk ang.”—World Health Organization, November 15, 2023.

Bible chuan inlaichînna ṭha neih dân chungchângah thurâwn ṭha tak tak min pe a ni.

Min ṭanpui theitu Bible thu bulte

Mi dangte laka inkulhhrantîrtu thiltihte chu ti tlêm rawh. Chûng thiltihahte chuan a lutuka social media hmanna a tel a. Chu aiin, mite nêna hun hman dun theih dân leh ṭhian ṭha siam theih dânte zawng zâwk rawh.

• Bible thu bul: “Ṭhian chuan englai pawhin a hmangaih reng a, mangan nî atâna unauva piang a ni.”—Thufingte 17:17.

Mi dangte ṭanpui theihna hun remchâng zawng rawh. Mi dangte chunga thil ṭha tihna chuan inlaichînna ṭha a siam mai bâkah, rilru chhûng rila lungawina min neihtîr thei bawk.

• Bible thu bul: “Englo lâk aiin pêkin lukhâwng a nei zâwk.”—Tirhkohte 20:35.

Kan website tlawh ang che, ṭhian ṭha siam dân chungchânga Bible thurâwn ṭha tak takte hriat belh nân.