Lemziahte Aṭangin Inzir Rawh

Kan thu leh hla chhuahahte chuan thu pawimawh laite târ langtu lemziah tam tak a chuang ṭhîn a ni. Chûngte chu engtin nge i hlâwkpui theih ang?

• Thuziak i chhiar hmain lemziahte chu en hmasa ang che. Chutianga i tih chuan hriat châkna i neih belhin thuziak chhiar chu i phûr lehzual thei a ni. Chu chu ei tûr tuihnai tak kan hmuh huna ei châkna kan rawn nei ṭhîn ang hi a ni a. Chuvângin, ‘Eng nge ka hmuh?’ tiin inzâwt ang che.—Amos. 7:7, 8.

• Thuziak i chhiar hunah chûng lemziahte telh a nih chhan chu ngaihtuah la. Milem hrilhfiahna a awm chuan chhiar bawk la. Thuziaka thute leh lemziahte inkûngkaih dân bâkah, chumi i nunpui theih dân tûr chu ngaihtuah ang che.

• I chhiar zawh hunah lemziahte chu en lehin a thu pawimawh laite chu hriat chhuah tum la. Tichuan, maimit chhîngin lemziahte leh i thu zirte chu hriat chhuah leh tum ang che.

• Engvângin nge he magazine-a lemziahte chu enin i thu zirte chu hriat chhuah leh i tum loh vang?