Pathianin Kan Ṭawngṭainate a Ngaithla Em?

BIBLE-IN ENG NGE A SAWI?

• Pathianin a ngaithla. Bible chuan: “LALPA chuan a kotu zawng zawngte chu a hnaih ṭhîn a. Tih tak zeta amah kotu zawng zawngte chu. . . . An au thâwm a hria,” tiin min hrilh a ni.—Sâm 145:18, 19.

• Pathianin a hnêna ṭawngṭai tûrin min duh. Bible chuan: ‘Engkimah ṭawngṭai leh dîlin, lâwmthu hril tel zêlin, kan duhnate chu Pathian hnêna hriattîr tûrin’ min fuih a ni.—Philippi 4:6.

• Pathianin min ngaihsak tak zet. Pathian chuan kan lungngaihnate leh kan mangannate chu a hre vek a, min ṭanpui a duh a ni. Bible chuan: “Anin a ngaihsak ṭhin che u avângin, in manganna zawng zawng ama chungah nghat vek rawh u,” tiin a sawi a ni.—1 Petera 5:7.