Jehova Mite Ṭhatna Tûra Hnathawk Berâm Vêngtute

Mi tam tak chuan thuneitute chunga a ṭha lo zâwnga thlîr dân an nei a. Chutianga thlîr dân an nei chu hriatthiamawm tak a ni. Mihring chanchin tluan chhuakah mite chuan an thuneihna chu mahni hlâwkna atân an lo hmang ṭhîn a. (Mik. 7:3) Mahse, kohhran upate chu Jehova mite ṭhatna tûr atâna an thuneihna hmang tûra zirtîr an ni chu kan va ni hlawh tak êm!—Est. 10:3; Mt. 20:25, 26.

Khawvêla thuneitute ang lo takin, kohhran upate chuan Jehova leh a mite an hmangaih avângin hruaitu niin rawng an bâwl a. (Joh. 21:16; 1 Pet. 5:1-3) Chûng berâm vêngtute chuan Isua kaihhruaina hnuaiah thuchhuahtu tinte chu Jehova chibai bûktu chhûngkaw zînga mi nia inhre tûr leh Jehova hnaih reng tûrin an ṭanpui a ni. Anni chuan Jehova berâmte chu thlarau lam mai bâkah, damdawi lam leh leilung chhiatna lama rîkrum thilahte an ṭanpui nghâl vat ṭhîn a. Ṭanpuina i mamawh a nih chuan, engvângin nge in kohhrana upa tuemaw chu i biak pawh vat loh vang?—Jak. 5:14.

BERAMTE NGAIHSAKTU BERAM VENGTUTE TIH VIDEO EN HNUAH, A HNUAIA ZAWHNATE HI CHHANG ANG CHE:

• Engtin nge Mariana-i chuan kohhran upate ṭanpuina chu a hlâwkpui?

  I chhânna

• Engtin nge Elias-a chuan kohhran upate ṭanpuina chu a hlâwkpui?

  I chhâna

• Engtin nge hêng thiltawnte hian kohhran upate hnathawh i thlîr dân chu a nghawng?

  I chhâna