Rawngbâwl Kum Thar Atân Eng Thiltumte Nge I Insiam?

Thlarau lam thiltumah chuan Jehova rawng tam lehzuala kan bâwl theih nân leh amah kan tihlâwm theih nâna theih tâwp chhuaha tihhlawhtlin kan tum eng pawh a tel a. Chûngte chuan Kristian puitling ni tûra min ṭanpui avângin kan hun leh thate sên chu a phu tak zet a ni. (1 Tim. 4:15) Engvângin nge kan thiltumte chu kan enfiah reng a ngaih? A chhan chu, dinhmunte a inthlâk danglam avângin, tûn hmaa kan thiltum chu tihhlawhtlin a beiseiawm tawh lo emaw, kan tihlawhtling tawh emaw pawh a ni thei a; chutiang a nih chuan, thil tum dang kan insiam thei a ni.

Kan thiltumte enfiah nâna hun ṭha tak chu rawngbâwl kum thar inṭan hma hi a ni. Chumi chungchâng chu chhûngkuaa Pathian biakna in neih hunah sawihovin, mi mal leh chhûngkua angin thiltumte in insiam thei ang em?

A hnuaia târ lanah hian eng ber hi nge i thiltumte zîngah tel a, tihlawhtling thei tûrin engtia hma lâk nge i tum?