I Rawngbâwlnaah Tûn Laia Thilthlengte Hmang Rawh

Isua chuan a rawngbâwlnaah a hun laia thilthlengte chu zirtîr nân a hmang a. (Lk. 13:1-5) Mite’n Lalram thuchah an ngaihven theih nân tûn laia thilthlengte chu i hmang ve thei a ni. Thil man sâng te, leilung chhiatna te, tualchhûng buaina te, damdawi ngawlveina te, a nih loh leh chutiang chî thilte sawi hnuah ngaihtuahna chawk tho thei zawhna zâwt ang che. Heti hian i zâwt thei ang: “He buaina, . . . hi a tâwp theih i ring em?” a nih loh leh, “He buaina, . . . a chinfelna hi eng nge nia i rin?,” tiin. Tichuan, chumi thu nêna inkûngkaih Bible châng pakhat hmuh la. Ngaihvenna a lantîr chuan kan Zirtîrna Hmanraw Bâwma video, a nih loh leh thu leh hla chhuah pakhat kawh hmuh ang che. Kan rawngbâwlna biala mite thinlung thlen kan tum rualin, “chanchin ṭha avângin engkim” kan ti thei ang.—1 Kor. 9:22, 23.

I rawngbâwlna biala mite tân eng thute nge ngaihven awm ang?