Engtin Nge Unaunute’n Jehova Tân An Thawh Tam Lehzual Theih?

Unaunute’n Lalram rawngbâwlnaah ṭanpuina hlu tak an pe a. (Sâm 68:11) In lama Bible zirna kaihruaitu leh regular pioneer thawk a tam zâwkte hi unaunute an ni. Unaunu thawkrim sâng tam takte chuan Bethel-ah te, missionary ang te, in sakna lamah te, leh ṭawng lehna lamahte thawkin rawng an bâwl a. Unaunu puitling takte chuan an chhûngte leh kohhrante an tichak a ni. (Thuf. 14:1) Unaunute chuan kohhran upate, a nih loh leh kohhranho rawngbâwltute niin rawngbâwl thei lo mah se, kohhranah thiltum tam tak an nei thei tho a ni. Unaunu i nih chuan i thawh tam lehzual theih dân kawng ṭhenkhat chu engte nge ni?

• Kristian miziate nei chho rawh.—1 Tim. 3:11; 1 Pet. 3:3-6

• Kohhrana thiltawn nei tlêm unaunute chu ṭanpui rawh.—Tit. 2:3-5

• Rawngbâwlnaah tam lehzuala tel tumin, i thiamna tihmasâwn rawh

• Ṭawng dang zir rawh

• Mamawh zualna hmunah insawn rawh

• Bethel-a thawk tûr, a nih loh leh biakna atâna kan hman in saknaa ṭanpui tûrin dîlna theh lût rawh

• Lalram Chanchin Ṭha Puangtute School-a kal tûrin dîlna theh lût rawh

‘LALPAA THAWKRIM ṬHIN HMEICHHIATE’ TIH VIDEO EN HNUAH, HE ZAWHNA HI CHHANG ANG CHE:

• Unaunute thusawi chuan engtin nge a tihchak che?