I Hriat Theihna Chu Sawizawi Reng Rawh

Infiam mi chuan a thiamna a hloh loh nân a tihrâwlte a sawizawi reng tûr a ni a. Chutiang bawkin, kan hriat theihna sawizawi tûr leh vawng reng tûrin theih tâwp kan chhuah reng tûr a ni. (Heb. 5:14) Mi dangte thu tlûkna siam entawn a awlsam mai thei a; mahse, mahni ngeia ngaihtuah dân leh thu tlûkna siam dân kan zir tûr a ni. Engvângin nge? Kan za hian kan thu tlûkna siamte avânga mahni chanchin kan sawi ṭheuh dâwn vâng a ni.—Rom 14:12.

Baptisma kan channa a rei tawh avângin awlsam takin thu tlûkna ṭha kan siam ang tiin kan ngai tûr a ni lo. Thu tlûkna ṭhate siam tûr chuan Jehova, a Thu, leh a inawpna pâwl kan rinchhan pumhlûm a ngai a ni.—Jos. 1:7, 8; Thuf. 3:5, 6; Mt. 24:45.

“CHHIA LEH ṬHA HRIATNA THIANG TAK VAWNG RAWH” TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Emma-i chuan eng thu tlûkna nge a siam ngai?

• 

  Chhia leh ṭha hriatnaa innghat thilah engvângin nge kan mi mal ngaih dânte sawi chu kan pumpelh ang?

• 

  Nupa tuak khatin Emma-i hnênah eng thurâwn ṭha tak nge an pêk?

• 

  Emma-i chuan a dinhmun nêna inkûngkaihin khawiah nge ṭanpuina ṭangkai tak a hmuh?