Pitar Deuhte Chu Nu Angin, Nula Deuhte Chu Farnu Angin Cheibâwl Rawh

Bible chuan Kristian kum upate chu kan nu ang te, kan pa ang te, leh ṭhalaite chu pianpui unau anga cheibâwl tûrin min hrilh a. (1 Timothea 5:1, 2 chhiar rawh.) A bîk takin, unaupate chuan unaunute chu zahawm takin an cheibâwl a ngai a ni.

Unaupa chuan unaunu chu a chhai der, a nih loh leh a bula awm nuam ti lo tûr zâwng thil engmah a ti tûr a ni lo. (Job. 31:1) Tlangvâl unaupa chuan duh tak takna nei si lovin, nula unaunu hnênah beiseina pein a chhai der lo vang.

Upate chuan unaunute’n zah taka zawhna an zawh hunah, a nih loh leh ngaihsak ngai thil engemaw an sawi hunah ṭha takin an ngaithla tûr a ni a. A bîk takin, upate chuan pasal nei lo unaunute chu an vênhim theih nân an ngaihsak a ni.—Rut. 2:8, 9.

HMANGAIHNA REH NGAI LO CHU KOHHRANAH LANTIR RAWH—HMEITHAITE LEH PA NEI LOTE CHUNGAH TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Engtin nge kohhran chuan unaunu Myint-i chungah hmangaihna nasa tak a lantîr?

• 

  Engtin nge kohhranin a lantîr hmangaihna chuan khuaa mite hnênah thu hrilhna ṭha tak a thlen?

• 

  Engtin nge kohhranin a lantîr hmangaihna chuan unaunu Myint-i fanute chungah nghawng a neih?

In kohhrana unaunute chungah hmangaihna i lantîr theih dân kawng ṭhenkhat chu engte nge ni?