I Chhûngkuaah Hmangaihna Lantîr Rawh

Hmangaihna chu chhûngkaw phuar khâwmtu thil chârna a ni a. Hmangaihna tel lo chuan chhûngkuaah inpumkhatna leh thawhhona ṭha neih reng a harsa ang. Engtin nge pasal te, nupui te, leh nu leh pate’n chhûngkuaah hmangaihna an lantîr theih?

Hmangaihna nei tak pasal chuan a nupui mamawh te, thlîr dân te, leh rilru vei zâwngte a ngaihtuah ang a. (Eph. 5:28, 29) Chhûngkuaa Pathian biakna neih ziah pawh tiamin, a chhûngkaw tisa lam leh thlarau lam mamawh a pe ang. (1 Tim. 5:8) Hmangaihna nei tak nupui chuan a pasal lakah intulûtin ani chu a “hlau thiam,” a nih loh leh a zah hle tûr a ni a. (Eph. 5:22, 33; 1 Pet. 3:1-6) Nupate chu inhuam takin an inngaidam tawn tûr a ni. (Eph. 4:32) Hmangaihna nei tak nu leh pate chuan an fate chungah mi mal ngaihsakna an lantîr ṭheuh va, Jehova hmangaih tûrin an zirtîr a ni. (Deut. 6:6, 7; Eph. 6:4) An fate’n school-ah eng harsatnate nge an tawh? Engtin nge ṭhiante nêksâwrna chu an hmachhawn? Chhûngkuaa hmangaihna nasa tak a awm hian, mi tinte chuan him leh nghet niin an inhria ang.

HMANGAIHNA REH NGAI LO CHU I CHHUNGKUAAH LANTIR RAWH TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Engtin nge hmangaihna nei tak pasalin a nupui châwmin, a ngaihhlutzia a lantîr?

• 

  Engtin nge hmangaihna nei tak nupuiin a pasal chungah zahna thûk tak a lantîr?

• 

  Engtin nge hmangaihna nei tak nu leh pate’n an fate-ah Pathian Thu an tuh?